|
احتشي عجوري معاي
يا جماعة الخير
ما في زي لهجتنا وما في احلى من لغوتنا تعالوا هان تنحتشي عجوري قح وما بدنا في هاذي الصفحة واحد يحتشي معانا بالنحوي ترى احنا هوته يا دوب بنفتش الخط هان . خلينا نرجع شوي لبلدنا وشروش بلدنا وقرميات بلدنا . ونعيش وكانا ظلينا لهلحين في عجور . وانا بستناكو هان يا جماعة واحتشوا شو ما بدكو بس ديروا بالكو حد يجيب سيرة الادارة بتشلمة لا عاطله ولا مليحة والا بعدين بشلوط بقحشونا . |
الله يمسيك بالخير يخوي يبـــو سليمان
ها والله بدنا نحتشي عجوري هو في اكوس من خرافنا مزبوط احنا دخلنا المتارس واتعلمنا القرايه والكتيبة و بنعرف انفتش الخط ونتخرف نحوي بس خرافنا زي ليرات الذهب العصملي كل ما بصير عتيق برتفع سعره يخوي جبتلك معاي قرطلة هالقطين وقرطلة خروب يبي مكوسهن ومزتشاهن هدية مني لاختي ام سليمان وهذول شويت حامض حلو وطقش للبنات وللحكيم سليمان http://www4.0zz0.com/2012/03/05/07/189417937.jpg |
الله يمسيكوا بالخير يا عجاجره
شفتو زهرة الوطن وينها من صبح وانا بدور عليها فرّت عليها كل زقق القرية بس ما شفت اليها أثر وين متخبيه هذه البنت بس ازقطتها بورجيها |
الله يمسيكوا بالخير يا قرايبيــــــــي
شفت زهرة الوطن لابسه هالثوب المطرز بالحرير الاحمر ولابسه هالشاشه البيظا وكانت مهوده ناحية مقام الشيخ تميم وإخوانه في خربة عكبر قلتلها وين رياحه يا مستورة قالتلي بدي اروح الملم شويت حطب كتلتنا البرديه واجتنا الثلجة التشبيرة ورحت معها عل المقام ولعت هناك البخور وقريت الفاتحه وبتعرفي يا نور لقيت هناك ريحانه وامااان وبتول القدس كلهن متجمعات عند مقام سيدي وهودنا بسرعة على القرية خفنا يطلعنا العلاتش وهالحينه زهرة الوطن قاعده بتطبخ دست مجدره |
الله يبارتش فيتش يختي يا امان والله
بس يختي هذا الحكيم ملعون الحرسي مانعني اكل لا قطين ولا خروب ولا حتى حبة حامض حلو قال شو انا معاي سكري والله يستر بكرة عن شو يمنعني كمان بس خليه يدق راسه في الحيط بدي اذوق القطينات والخروبات واعلى ما في خيله يرتشب ها بس الولاد ينبسطوا بهدية عمتهم امان وانا اتشحنتش اي والله ما قالها . |
العواف يا قرايبي
الله يمسيكو بالخير ويمسي كل زوار منتدانا بالف خير الخرافية مش خراف على الفاظي ولا صف على صينية الشاي كيابي الحتشاية اتشبر من هيتش بتشثير واللي بده يتعلم لا اسبد ما يجي يوم ويصير كنت وانا زغير يوم يجو علينا ظيوف استحي من خراف امي \اللي الله يرحمها ويجعل مثواها الجنة\ قال ليش لانها بتتخرف عجوري قح..... يوم وقع على اصبعي حجر تشبير واخذتني على الحكيم في عيادة الوكاله والا هي بتقول للحكيم كود الله يا حكيم على يد الله ويدك يطيب اصبع ابني ....يا حكيم شوف اصبع ابني مفغوش .. ومحسوبكو مش خياب ازعلت واحردت ومرظيتش اتحكم وشردت قال ليش ......علشان امي بتتخرف عجوري بحت وامي زعلت وصارت تنفخ على اصبعي وتقول يمه بعرفش اتخرف مدني هظا اللي الله قدرني عليه وترد تنفخ على اصبعي وتقول يا مندره ترجع البلاد وما يزعل من خرافي ابني... المهم يا قرايبي يوم الله اعطاني طولة العمر واتشبرت واخذ وداعة امي صرت اعشق تشلماتها وادورهن دواره ويا ريت لو اقدر اصرهن واحطهن بحبات عينيه..... وفي هذي المناسبة اذا بتسمحولي اقول لامي يمه حظنك مثل الوطن نفخة هوى من مبسمك طاب اصبعي وراح العفن وظمةحنان بمهجعك من بعدها طار الالم وراح الحزن اسف لعدم المتابعة دمتم |
صح لسانك يا ابو محمد
اي يا زلمه هوته في بعد الام |
|
|
|
|
|
|
مسيكوا بالخير يا قرايبي
والله هل الثلجات الملعونات منعني من هل الموظوع الحلو يا جماعة الخير كلام الاخ محمود خلاني اصيح --الله يرحم حجتكم ويخليلنا حجتنا بنتي يافا بتظل تعلق على جدتها امي وبتقول كيفش يا جده وامي للحين مقرقطه بالثوب والشاشه ومش راظيه تلبس مدني مثل نسوان عمي الظراير بتقول ما بشلح الثوب الا لما اموت قال شو خجلانه بتستحي من لبس نسوان عمي وبتقول متمدنات الله يسعدكم يا رب على هل الخراريف والله القطينات اكشلناهن كلهن وما في اطيب منهم والمجدره عملنا قلايه بندوره جنبها وما ظل لحسه فيها |
اقتباس:
تعالي جاي اشربي معاي كاسة شاي بالمرمية هيني موقدة النار ومدفيه الدار صيحت يختي من فجة الظو ظليت مثل ما انا بنام مع نومت جاجاتي وبس يقول الله اكبر الفجر بفز من النوم وبفتح باب الدار وبقول يا رب يا رزاق يا فاتح وبروح بعلف الجاجات وبهود على زرايب الحلال وبنظف تحتهن وبوخذ الزبل وبنكش تحت شجرات الحكورة وبطمرهن اليوم بدي اهود على الخليل أجيب صابونة الجمل وشوية اغراظ |
الله يسعد صباحك يختي يا امان ----قال يعني في عجور حرمه اسمها مدني ههههههههه-----ويعطيكي العافيه على
هل الشايات بدي بس اخبز شويه خبز بهل الطابون واعمل قراص زلابيه انت قولي للصبايا ييجن وبس اخبز باجيكي وطقيلك شويت بيض بزيت الزتون ربنا يسلم هل الديات يختي الله يسعدك امبارح شريت فلقه صبون نابلسيه بدي اغسل روووووووووس البنات فيها طول نهارهن بتفعفلن بالتراب مع هل الجاجات خلص هيني جايك يختي |
يا جماعة الخير كلام الاخ محمود خلاني اصيح --الله يرحم حجتكم ويخليلنا حجتنا
هو في زي أبو محمد الله يوجهله الخير وين ما دار وجهه يختي يا البيتول هاظ ابو محمد قلبه ابيظ ابيظ .... وشهم وبدوا الخير لاهل بلده وما عندوا فرق بين جنّابة الفوقا (الشرقية) و جنّابه التحتا( الجنوبية) مهو الي بيقول عجور جنه وطابت مراعيها الله يرحم الحجة ام محمود ويجعل مثواها الجنة وربي يرزق محمود العجارمة زيارة بيت الله الحرام ويحج عنه وعنها الذين يشاهدون محتوى الموضوع الآن : 4 ( الأعضاء 3 والزوار 1) أمان* وبتول القدس* محمود العجارمه+ |
اقتباس:
لميت من الجاجات قرطلة بيظ عليم الله يكمن 30 بيظا وزيت الزتون من خير السنة بتذكري لما العونة وجدينا الزتون ورحنا على معاصر وغنينا على دلعونا http://www.youtube.com/watch?v=lrL9-yqZysI يا بنت الحلال اتصدقي للحين مع نسمة الهواء بنشم ريحة زيت الزتون من المعاصر بلادنا كلها خير يا بتول شو بدي اقول تقول |
اوقات هيك بتطلع معنا كلمات وألفاظ غريبة بس بنصير نستعملها .. و كل بلد او منطقة اليها حصيلة من هاى الكلمات والمصطلحات ..يعنى بتكون شى مميز اليها.. وأكيد الفلسطينية ما شاء الله عليهم شوية مصطلحات غير شكل .. فهى شويه مصطلحات فلسطينية على الآخر* يعني غزاويه ع مجدلاويه ع حماميه ع نابلسية ومن هنا وهنا مشكل يعني... بنكيت = الرصيف في الشارع شمينت = نوع من انواع اللبن مفردة من مخلفات العدو الصهيوني الكوربة = راس الشارع = لفة آخر الشارع ضاوي = فاقد = ما بفهم اشي براد = إبريق بشكير = منشفة اللي بنشف فيها وجهنا على الصبح ابطيني = يعني بياكل اكل ما شاء الله ولا هو داري عن حاله عشرطعش = يقصد فيها الكثرة من الشئ رمزون = إشارة مرور ضوئية سطل = جردل = دلو هواية = مروحة نونة = يعني شوي نتفة = اقل من شوية ونجك حالك = يعني زبط حالك روق يا ضاوي = يعني وحد الله يا مجنون على بلاطة = يعني من الآخر شكشوكه = (اكله ) بندوره وبيض بابوج = شبشب معصلج = مزرجن = مش راضي أو بمعنى آخر راكب راسه فورسة = فسحة اللي في نص الحصص في المدرسة جمطة = يعنى ما بتنبلع = ما تنزل من زور اجنص = لنج =جديد مواسرجي = السباك ... الرجل الذي يقوم بتصلح المجاري حنفية = صنبور= مصورة قاع الدار = الجزء الامامي للدار قزاز = زجاج سيرج = زيت الذرة او زيت عباد الشمس قداحة = ولاعة بربيج = خرطوم المياة زمور = منبه السيارة منقرز = محتاج الى سيجارة مخرمن = محتاج شاي او قهوة ههههه شخبطة = خرابيش الجاج شقلب وجهك عني= يعني ما بدي اشوف خلقتك سبهللة = يعني بدون مسؤولية افتح مخك وطقطق دنيك = ركز معي الله لايسيئك تلقحيه = واحد رامي حالو علينا *ملقوف بالخليجى دكانة = سوبر ماركت نتخرف = ندردش مع بعض ام العبد و ابو العبد = اسم فلسطيني قح قح = عالاخر فرم الشاب = طحنه = خلاه زي الطحينه جلدة راسه خميله = عبيط او بفهمش بسرعه بدكاش = ما بدك شاكوش = مطرقة شمر = ارفع البنطلون او الجلبية وافكح او اجري قرفان = واحد مش طايق حالو بالمرة سك عالدم = يعني انسى ومش فايقلك برقان = برتقال بس الواحد بيكون مستعجل بوزك = وجهك الحين = الان بس احنا النا بعد تانى عن الحياه ( حمامي) ههههه حبيبى يا حج = حبيبى يا قلق = حبيبى يا لوز = حبيبى يا حوت اوعى تتزحلق = يعنى تندب دير بالك فى صابون على البلاط احلقلو = طنشو = ماتعبرهوش ترللي = مهوي = اهبل يجاكر = يعاند زبدية = صحن من الفخار لعمل الدقة الغزاوية ورق دوالي: ورق عنب اسكومية = يعني ايس كريم هههههههه ( الدلع ) الفرشوحه = يعني سندويش الشاورما بالغزاوي القح ريحة : يعني عطر قصافة = يعني مقص أظافر هلأ = الان = هسا = الحين بالفلاحي مستهلسكو = يعني مش معبركو مطعوج = من الفعل انطعج والمصدر تاعو انطعاج وهو الشء المعوج فشكة = بيت الرصاصة الفارغه... ازعق عليه = نادي عليه ضلك كاوي = ضلك ماشي على طول (نفس الطريق ) يختي = اسلوب نداء للمؤنث يخو= اسلوب نداء للمذكر بعكش = فتش = ابحث = دور بسكليت = يعني دراجة بنكش راس= بمزح |
اقتباس:
الي بعرفه اسامي نسوان عجور ((( الحاجه جميله+ والحاجه خضره+ والحاجة جميله + والحاجه خديجه)) بس لو ازقطها امان لاخليها تعرف تحشي عجوري وراجعها للقرميه |
ما شاء الله عليكو ياعجاجرة
يا ريت الكل خش هان ويحتشي عجوري علشان نرجع حتى لو بالخيال للبلاد وريحة لبلاد وزييت وزعتر لبلاد ما اكوس اتشل عجور وحتشي عجور وما احسن اولاد عجور ونسوان عجور |
الله يمسيكم بالخير ياقرايبي
اليوم مريت من قدام سلنسلة دارنا فلقيت باب دار اخوي التشبير ابوسليمان (الله يوجهلو الخير وين مادار وجهو) مفتوح فقلت خليني امرق عليه واشرب عنده تشبايت شاي . دعيت الباب بدي افوت الاهو الحكيم قاعد بالصقعة وقال بدرس ** قلتو قوم انخم جوة بدامك قاعد فهالصقعة احسن لتلتفح ويجيك الساقويد ** فالله يرضع عليه هو ماصدق وقتلو هالحتشي وقام راح انخمد تحت اللحاف . المهم فتت على دار التشبير ابوسليمان الهو قاعد متلحف تحت الفروة وجنبو تشانون الحطب ومعو اخوي ابومحمد العجارمة ( ماهو بكون ابومحمد لابوسليمان اخوي مرت عمو ) وابومحمد لابس هالصاكو وقاعد جنب ابوسليمان وبتخرفو ولما فتت عليهم وطو اصواتهم *وصارو يقلبو بالموضوع وانا قلت في داخليتي منتاز منتاز الله يعلم لاشي بخططو هالقوايا .. المهم اتمغطت جنب ابوسليمان وقتلو ناديلنا حدا يجبنا ابريق الشاي ومعو تشاسه تشبيره (لاني انا تشييف شاي ) والله وقام على حيلو وراح المختار وجابلي تشاسه قد تنكيت الزيت وقلي خذ هي البريق والتشاسه واشرب لما تزور وقام محمود يكهكه بصوت عالي وتقول في حدا بزغزو ***الله يجازيه ابومحمد الخير . وبكره بكملكو بقيت القصة .. |
اقتباس:
ها هاظا اخوي عبد الفتاح هان .... والله زمان ترى يخوي من لما اجوزت بطل حدا يشوفك مهو الخراف المزبوط انو النسوان بيلهن الزلام عن الاهل يا ميت اهلا وسهلا فيك نورت عجور والمختار ابو سليمان منعني اتخرف نحوي بالله يخوي اتخرف معاه كـــــــــود الله يهدي سر المختار ويخليني اتخرف نتفت نحوي عمني ظارية اتخرف نحوي بظلني اخربط (( نفسي اتخرف نحوي واقول لعجور سحر والهام )) |
ها هاظا اخوي عبد الفتاح هان .... والله زمان ترى يخوي من لما اجوزت
بطل حدا يشوفك مهو الخراف المزبوط انو النسوان بيلهن الزلام عن الاهل يا ميت اهلا وسهلا فيك نورت عجور والمختار ابو سليمان منعني اتخرف نحوي بالله يخوي اتخرف معاه كـــــــــود الله يهدي سر المختار ويخليني اتخرف نتفت نحوي عمني ظارية اتخرف نحوي بظلني اخربط (( نفسي اتخرف نحوي واقول لعجور سحر والهام )) يا ست امان .... الخراف مش هيتش حداوي النسوان بلهن الحمار عن عليقه مش بلهن الزلام عن الاهل وعلى كل اجهة وديتي لابو سليمان قرطلة قطين وانا ما حسبتي حسابي بس اخوي ابو سليمان يتشثر خيرة ذوقني اياهن يبي ما اكوسهن وما ازتشاهن خاف الله انهن من التينات الخظاريات تبعات سيدنا المسيد ولازم تعرفي يا ست امان انه الخراف العجوري اصيل مثل عراقيات جدتي الله يرحمها وسلاة تسلمتش يا بنت الجواد...... |
على كل حال يا عبود بقيت انا واخوي ابو سليمانب نتخرف بدنا نشوفلنا صرفة بشامخ وفعايله
يا زلمه طول نهاره داير بهطهط بعرفش يتخرف وما خلى طابون يعتب عليه وصارن النسوان بدهنش غير شامخ يزبل الطابون وهظا الحتشي بظرنا بيصيرن اخرى شوية بدهن شامخ يعجن وبعدين بتشبر الحتشاية بدهن شامخ يطبخ وينفخ وبعدين بتخرب البلد هيني فهمتك شو بقينا نتوتوت انا واخوك التشبير ابو سليمان هلحين ارظيت يا منحوس وسلامه تسلمكو......... |
العواف
اييييييييييييييييييييييييه ساق الله ع ايام لبلاد الله يرحمك يا سيدي بقا ما يحتشي غير ها الزية ... بقا الخراف اله معنى و اصل ... و خطرة بحتشيلي يا سيد هات الذيلة ... و ظليب اباصي حولي خمس دقايق ت عاود و قلي هات كيلة المي هرعي عالزير يا سيد ... و بعديها قلي هاتلي جنبية يا سيد رحت ع جدتي و بقت بتعزل بالحوايج ... حتشيتلها يا جدة سيدي بدو جنبية ... قالتلي اتخيب ... سيدك مش هان ... اتشيدلت منها جنبيه و هربت ... ما برجع لسيدي بلا جنبية و الله هالخراف بمشي عليه الترين الله يبارك بعماركو يالعجاجرة و هالحين بخاطركو |
اقتباس:
ههههههههههه منشان الله رح يغمى علي من الضحك هاظ هو الخراف المهندز اتهندز هرعيــــــــــــــــــــة الذيلة الله يرحم روح جدك ويجعل مثواه الجنة |
اقتباس:
التينات الخظاريات الي عند سيدك المسيد اصلا زرعهن جدي اجر وثواب واخذ القصفات من شجرة التين الخظارية الي في حكورتنا وسلامة تسلمك |
اقتباس:
و بعدين اسمها ظحتش ... الله يديمه ... مش ضحك هههههههههههه بقيت اقعد انا و رحمة لختيار بقاع التينة نص لنهار تتمغرب الدنيا ... خطرة و هاذي ما بنساها ديمة مانا حي ... خرفني عن البلاد ... و عن اهلها ... و تشيف بقت الدنيا فيها برتشة ... و الناس كلهم واحد ... هاظ اخوي و هاظ ابن عمي ... و هاظ صاحبي ... و قلي عمركو يا سيد ما راح تشوفو ايام ها الزية ... و الله حينيتها ما اعرفت شو احتشي بقيت لساني مفعوص قد النتفة ... و هالحين بقلوا ... ايييييييييييه يا سيد الله يرحم ايامك ... شو بقت حلوة ... و بقيت ما تحتشي غير السِدِق و جدتي الله يرحمها تبقا اقبالنا غادي بتبقل خبيزة ... و تجيب الخبيزات و تقرظهن بالخوصة و احنا نقعد نظحتش عليها ... ابصر شو بدها تطعمنا!!!! ولا لما اقعد اغوش هههههه ... يقلي ما تكنت يا سيد ... و مرظاش ... اكنت ... و يزعل مني و يحاويني (يطردني) خرافنا احلا خراف بخاطركو |
ما اكوسكو يا عجاجرة
|
اقتباس:
*** الله يرحم إمواتنا و إموات المسلمين خيتي يا امان و بعدين اسمها ظحتش ... الله يديمه ... مش ضحك هههههههههههه *** بصراحة ومن الاخر حاسة انك انت وسفيرة فلسطين ومحمود العجارمة عاملين مؤامرة ضدي يعني هالحين طلعتوني بعرفش اتخرف عجوري وين المختار حكالي اني صرت اتخرف زي عجوريات زمان واكوس يعني هالحين المختار بيظحتش عليا واطلعت بعرفش اتخرف |
اقتباس:
مش القصد عفوا |
اسمعوا يا اهل البلد بعلن حالة اعتصام وبدي امنع حالي من الخراف باللهجة العجورية لما يجي المختار ويعمل انحماع ويعلن قدام اهل عجور كلهم اني بعرف اتخرف عجوري زي عجوريات زمان واشوفكو بخير |
هيه يابن بلدي قديش شغلتني بسيدك الله يرحمه ويسكنة الجنة
|
المختار الله يذكره بالخير
بد حدا من اهل البلد يحتشي غير عجوري ويأمان لاتقولي نحوي ولامحوي احتشي عجوري زي هيك وتشثر الله خيرك |
اقتباس:
امين يا خوي يا عجوري و ان شا الله كل اموات المسلمين ساتحدث بالفصحى هنا و اكسر القاعدة لان الحديث عن من زرع حب عجور في قلبي لا يخضع لقواعد من صنع اي كان هو ومن معه من ابائنا و اجدادنا جميعا ممن زرعوا هذا الوطن بين اهداب عيوننا ... و تركونا نهواه هم من اخبرونا ان لنا ارضا و وطن هناك خلف تلك الجبال هم من رسموا بحكاياتهم ذاكرتنا و حفروا اسم بلادنا في قلوبنا و حملونا امانة اتمنى ان نقوى عليها هذا ما شدني الى الموضوع و جعل جدي حاضرا هنا ... فانا عرفت الوطن من حكاياته ... و حكايات ابي ادامه الله لكم مني السلام كملو بالعجوري و الله احلا و سامحوني عالمقاطعة |
هيه يابن بلدي قديش خرافك منيح وكلمات تثير كواس
هيه هيه خليها بالقلب احسن قال الزين لابن الزين والزين ماهو بناسيها قال طلعت من ساعتين وانو منكم بدو يجيبها قال الدمعة على الخدين تشيف بدي اخفيها |
انا راجع
بدي اطلع هالحين لانو بطني بتوجعني تشثير وهاي الصقعة اكلتني اتشل |
انا قريت اتشم تشلمة هان بالنحوي وانا قلت من الاول ممنوع حد يحتشي نحوي
وبعدين أمان ما شا الله عليها بتحشي عجوري اكويس مع انه في اتشثير منكو بخلطوا العجوري بالاردني ولاتشن المشكلة انه اتشثير من الحروف العجورية صعبة الكتابة على هذا الخارب اللي بتسموه منتوتر . |
النحوي اللي بالكتوبة اللي فوق تشان مبرر و سببه واظح و انت برتشتنا و تشيبرنا يا ريت اتزبطولنا الخربطة اللي بتصير عشان نحافظ علهجتنا اصحيحة زي ما كانوا كبارنا يحتشوها تمام |
| الساعة الآن 07:11 AM بتوقيت عمان |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By
Almuhajir
[ Crystal ® MmS & SmS - 3.6 By L I V R Z ]