منتديات عجور - بيت كل العرب

منتديات عجور - بيت كل العرب (http://ajooronline.com/vb/index.php)
-   منتدى عمورية عجور للحصريات (http://ajooronline.com/vb/forumdisplay.php?f=119)
-   -   خُرَّفيّة صمير وخظره .. (http://ajooronline.com/vb/showthread.php?t=13068)

زياد الراعوش 10-03-2010 10:05 PM

خُرَّفيّة صمير وخظره ..
 
صمير وخظره

صمير: ولك يا كردة شكلك ناسية انو مثل هاظ اليوم كبل سنتين كان اول مرة بشوف سحنـتك وبنحب بعض* يعدمني جدوكك(خدودك) شو ناسية؟!
خظره: والله جد ولك تفو عليك شو بحبك * بعدك متذكر يا مقلعط؟
صمير : هووووه * هو الي بشوف هالشكل الي بكطع الرزك بنساه؟
خظره : هاهاهاهاهاهاهاها يلعن ابوك شو حكياتك حلوين وهاظ الي معلكني فيك * تتذكر اول مرة تلاكينا ؟
صمير : هههههههه هو انا بنسى؟ يوم ما حطيتلك رجل وانتي ماشية مع امتش وكلبتي على بوزتش؟
خظره : ولك الله يكطعك شو رومانسي * كيف هيك تجرأت واتخذت هاي الخطوة الجريئة؟ جد انا بحب الشب المبادر والّي كلبو كوي
صمير : يالله عااااااد هسه بدتش تتشبري راسي وتظلتش تمدحي فيّه؟ انتي كمان بزكتي علي يومها تتذتشري؟
والله ما بنسى بزكتتش وهي بتتدلى على وجهي وبتنزل شوي شوي * يومها عنجد عرفت انتش بتحبيني ...
خظره : آآآآآه والله يا صمورتي انا ما بزكت عليك لّاا لأني بحبك.
صمير : يا كلبي انتي

خظره : ههههههههههه ما بنساه* يحرك حريشك لو كنت بحبك مرة صرت أحبك ألف مرة بعد هظاك اليوم
يوم ما اكترحت علي انو نتباطح والي ببطح الثاني 3 مرات هو اللي بنام عالارض والفايز بنام عالفرشه.
صمير : يالله يومها شو انبسطت * بس صحيت ثاني يوم متشسره عظامي من النومه عالارض ..
خظره : ماهو يا صمورتي انا بطحتك 5 مرات ..
صمير: لا والله بس بطحتيني عالارض 4 مرات * آخر وحدة مش محسوبة.
خظره: تشيف مش محسوبة بطحتك المرة الخامسة لما دعست على رقبتك، ناسي؟
صمير: هووو هووو علينا ، خلص مش مشكلة يا ستي بطحتيني خمس مرات* هسه ما تظيعي علينا الاحتفال بهاذي الليلة الي ما بتتعوض .
خظره : والله معك حق * خلص شو رأيك انا اليوم رايح اخليها ليلة رومانسية عن جد.
صمير: شو بدتش تعملي؟
خظره: انت ما عليك بس حظّر الشمع اوّلّعه وستشر الظواوي وهسه باجي ..

وما ان اشتعل الشمع الا وخرجت خظره من المطبخ حاملة صحن تشبييييييير مجدرة*
رغرغت عيون صمير وإنغمرت بالدموع فرحاً* حمد ربه ووعد خظره بأن يبقى مخلصاً لها
فما كان من خظره الا ان طلبت منه بوسه* فلما لفلها خده عضت أذانه فضحك صمير وضحكت خظره
وقعدو على الطاولة ياكلون المجدرة لأخر الليل* ويقال انهم الى الان بياكلو بالمجدرة

اتمنى ان تعجبكم القصة

*ريحانة* 10-04-2010 12:07 AM

أمّن خُرّافية وأمّن لهجة
والرومانسية الي بين صمير وخظره درس للأجيال
ياهيك الرومانسية يا بلاااااش:si (34):

وكل شيء ولا ذُروة القصة ياجماعة الخير صحن هالمجدره الي حرّك مشاعر صمير

الله يخلي صميرلخظره وخظره لصمير

م .نبيل زبن 10-04-2010 01:23 AM

ههههههههه ههههههههه

شكلك يا فارس رايح تظيع الاجيال القادمة ويفهموا انها هيك الرومانسية

مشكور ويعطيك العافية

العجوري الاصيل 10-04-2010 03:31 AM

http://vb.arabseyes.com/uploaded/36207_1194806727.gif

أمان 10-04-2010 06:06 PM

يسلموا ايديك على هالخرفية
صمير وخضرااااااااااااااااااااااا ثنائي ظريف

زياد الراعوش 10-05-2010 02:23 PM

اقتباس:

المشاركة الأصلية كتبت بواسطة المدير العام (المشاركة 1085)
ههههههههه ههههههههه

شكلك يا فارس رايح تظيع الاجيال القادمة ويفهموا انها هيك الرومانسية

مشكور ويعطيك العافية

اشكرك اخي المدير العام على مرورك وتعليقك الطريف

من وجهة نظري ان هذه الرومانسية هي الحقيقية التي تتمثل بالبساطة

ليس كرومانسية هالايام التي كلها تكلف وغش وخداع ( الا من رحم ربي طبعا )

زياد الراعوش 10-05-2010 02:25 PM

اقتباس:

المشاركة الأصلية كتبت بواسطة *ريحانة الجنة* (المشاركة 1073)
أمّن خُرّافية وأمّن لهجة
والرومانسية الي بين صمير وخظره درس للأجيال
ياهيك الرومانسية يا بلاااااش:si (34):

وكل شيء ولا ذُروة القصة ياجماعة الخير صحن هالمجدره الي حرّك مشاعر صمير

الله يخلي صميرلخظره وخظره لصمير

اشكرك ريحانة الجنة على هذا التعليق

وصحن المجدره عند الناس التي تعيش ببساطة

بيسوى 100 منسف

ابو ايهم السراحنة 10-05-2010 06:12 PM

صمير وخظره
قمه الرومانسيه ذكرتني بصاحبي ههههههههههههههههههههه
صمير جوز خظره

الله يطول بعمرك اخي فارس عجور

:si (34):

صقر ابو صبحه الخواجا 10-20-2010 07:07 PM

ههههههههههههههههه
حلوووه منك اخ زياد
لك حبي وتقدير
تقبل تحياتي

زياد الراعوش 10-28-2010 11:31 PM

اقتباس:

المشاركة الأصلية كتبت بواسطة ابو ايهم السراحنة (المشاركة 1473)
صمير وخظره
قمه الرومانسيه ذكرتني بصاحبي ههههههههههههههههههههه
صمير جوز خظره

الله يطول بعمرك اخي زياد
:si (34):

الله يخليلك صاحبك اخي ابو ايهم

تسلم يا اخوي


الساعة الآن 02:06 AM بتوقيت عمان

Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir

[ Crystal ® MmS & SmS - 3.6 By L I V R Z ]
mess by mess ©2009