احتشي عجوري معاي

[أمان]

اقتباس : المشاركة الأصلية كتبت بواسطة محمود العجارمه [ مشاهدة المشاركة ]

الله يمسيكو بالخير يا اهل الخير والبرتشة بالعجوري اليوم لازم موظوعنا هظا اللي هوته احتشي عجوري ومن وجهة زقمي الخاصةقصدي نظري انه ايكون من راس التشوم يعني بالعربي الفصيح الكل لازم يشارتش فيه وبجوز يخطر عبالكو ليش لانه بتخرف عن حظارة ماتشنة تعايشو فيها اجدادنا واذا احنا جيل اليوم ما وثقنهاش بتنقرظ وبتصير زي عشاك مبارح هاظ الخراف مسؤل عنه انا وانت وكل اللي بهمهم مصلحة بلدنا عجور يعني ليكون بتفكرو اللي درسو على ظو الكرهب اشطر من اللي قرو على ظو اللامظه وادفو على قرامي الحطب لا انا شفت وثيقة صلح بين الزتشاروه والعجاجرة وانا بتحدى كل مثقفين اليوم يفدرو يصيغو او يكتبو زيها على كل اجهة انا بطالب باهلي وقرايبي وخواتي نثري هاظا الموظوع وكل واحد عندة اي معلومة ولو انها زغنونة يكتبها هان خلينا نلقف اولادنا من ثم جيل التشلب جيل الاواكس جيل الكلاسيك خلي اولادنا يطلعو ماتشنين زي اجدادهم رجال غير انه هظا صميم تراثنا والله خاطري اشوف الثوب المطرز والشاشه البيظة على بناتنا والتشبر المقلم .. يشهد عليه الله اني شفت واحد لابس تشبر زي تشبر ابوي الله يرحمه وحاط هالسلحلك والفرد عليه اشي بشرح القلب يا ناس احنا مسؤلين عن هظا الخراف لانه اذا ما وثقنا راح وخصوصا انه احنا قاعدين منتعرظ لغزو ثقافي وفكري من اجهة الغرب اللي الله قاعد بنتقم منهم ومش متعظين والله يا اهلي من يوم ما صرنا ندور الكابوي المقدد والشعر النافش زي شعر النيص حالنا تدهور وتشثرت الهماله والرخاصة واجبر يا مجبر......... الزلمه لما بقى يمرق من حارة والنسوان قاعدات الكل يتظبظب حتى الاطفال اللي بلعبو ما تقول الا ظبع مارق في الحارة اليوم الوظع انقلب صار الزلم هو اللي ينظب والولد يغلط على الزلمة التشبير الدنيا انتقلبت الله يقلب روس اليهود وسلامة تسلمكو

الله يمسيك بالخير يبــــــــــــــو محمــد

حتشيك مزبوط ومدوزن هوتا في اكوس من تراثنا وعاداتنا الاصيلة

يا سلام على الثوب المطرز بالحرير ... بتكون العجورية فيه زي الوردة المفتحة

والتشبر كله جخة وواجهه

مش مثل لبس هالجيل ماسخ...

وكانوا اهلنا شاطرين يوثقوا كل ايشي على الورق عند المخاتير

قريت وثيقة صلحنا مع الزتشاروة ... بتعرف انها بتستحق تتدرس بالجامعات

[محمود العجارمه]

عجوووووووور....
قد الهمتني وعميق حبكم
ان الولاء للوطن دفين صدوركم
بحجم در ثدي الام لرضيعها الطفل
وان الثرى منها ثري بما ورثنا عن جدي الكهل
قد حصدنا بعض ما زرعو
وان لم نرتوي من عذب مائها النهل
تسير بنا الانظار قدما ...الى قدر محتوم لهؤلاء الانجاس بالقتل

[أمان]

اقتباس : المشاركة الأصلية كتبت بواسطة محمود العجارمه [ مشاهدة المشاركة ]

عجوووووووور.... قد الهمتني وعميق حبكم ان الولاء للوطن دفين صدوركم بحجم در ثدي الام لرضيعها الطفل وان الثرى منها ثري بما ورثنا عن جدي الكهل قد حصدنا بعض ما زرعو وان لم نرتوي من عذب مائها النهل تسير بنا الانظار قدما ...الى قدر محتوم لهؤلاء الانجاس بالقتل

الله يسلم ثمك يا شيخنا عويس

شو هالتحشي أتقول عراقيات جدتي امنة

الله يرحم جدي حســــــن ورثني الولاء لعجور

حتشالي يا بنيتــــــــــي أصحكو تتنازلوا عن حقكوا بالعودة للعجور

[أمان]

الله يصبحكوا بالخير ...

وين هالعجوريات

هو يا رفيقاتي

بتــــــــول القدس * نور الهدى * السوسنة

يلا بدنا أنروح انبارتش لأم عمـــر ... واخونا أبو عمر أياد

قبل يومين ولدت وجابت صبي الله يحفظه لاهله

بدي أروح اعمل قرصين عجة اخذهن معاي وشريتلها بطيخة

بقولوا::: العجة امنيحة للنفسا ...

ريتو مبروتش أبنتش يخيتي يا أم عمــــر... ان شاء الله بتخاويه

وسلامتكو...

[أمان]

الله يصبحكو بالخير ...

دستور ... دستور يخـــوي يا عبد الفتاح ( عجوري ولي الفخـــر)


يخـــوي وصل هالحين مكتـــوب من أخونــــــــــا التشبير أبو سليمان

ورحت على معلمة المترسة ( السوسنة) ملقيتهاش رايحة على نابلس

أتزور خالتها أمريضة ربي يشفيها ويعافيها




يخوي يا عجوري توخذ هالمكتـــوب وأتروح على زتشريا يفتشوا

وتعال بســـــــــــــاع احتشينا شو الأخبار

كـــــــــــود الله ... اخونــــا يرجع على الدار

[السوسنه]

الله يمسيكوا بالخير يا جماعة

تشيف حالكوا ان شاالله بخير وعافيه

تشيف حالتش يا إم إحمد يختي ان شالله بخير يختي

انا يختي صارلي يومين غايبه عنكم في هالطاقة عشان رحت ع نابلس ازور خالتي واطمئنيت عليها

الحمدلله هي بخير بس بتعرفي هاناك في المدينه ماشالله محلات ومطاعم وكل شي فيها وعجبتني الكنافه النابلسيه شو زاتشية تشثير وعليها هالقطر يما مزتشاها اه عاد انا قلت بدنا نعمل في عجور محل حلويات زاتشي مثل هظاك الي بنابلس ، ونفتح مطعم تشبير خلينا نتشيد اهل زتشريا ترى هم غاروا منا ومن المدرسة الي فتحناها في البلد ، فقلت بدي أشاور جماعتي ونفتح مطعم ومحل حلو ، زهقنا يختي الحلقوم وتشعيتشبان وبدنا نغير في البلد شوي اه ولا شو لازمت العلام ، فقلت بنجط اختنا وتشبيرتنا ام خليل ميشان تطبخ وتعمل حلويات وكنافه زاتشية ، بتعرفي انا خشيت علامحل وقلت للولد الي هناك ترى يخالتي بدي اياك تكتبي طريقة الكنافة عشان بدي اعملها للولاد عندي وهيتش بعطيها لأختنا بتول القدس ام خليل ماشال عنها شاطره ومعدله عشان تعمل حلويات . ولا شو رايكم يا جماعة بدي كل واحد يعطينا رأيه محنا اه عندنا ديموقراطية

[أمان]

ارقاق وجاج (( فته عجورية))


1_ بنجيب الباطيه وبنحط فيها الطحين وبنعجن عجين فطير
2_ بنرق العجين بالمرق طبقة رقيقة جدا
3_ بنوخذ الرقاق وبنحطهن على الصاج بعد ما انكون أوقدنا تحته النار
4_ بنقطع الجاجة وبنسلقها مع راس بصل وبنحطها في الدست على النار
5_بنقطع الرقاق وهو مثل الشراك رقيق ولكن مقرمش
6_ وبنسقيله من مرق الجاج وبصير عنا فته رقاق وبنحط فوق الفته قطع الجاج
وبنقدمه للضيوف في الهنابة (( وعاء اثري عجوري)) وبنحط المرقه في الزبادي

وصحتين وعافيه

[عجوري ولي الفخر]

اقتباس : المشاركة الأصلية كتبت بواسطة أمان [ مشاهدة المشاركة ]

الله يصبحكو بالخير ... دستور ... دستور يخـــوي يا عبد الفتاح ( عجوري ولي الفخـــر) يخـــوي وصل هالحين مكتـــوب من أخونــــــــــا التشبير أبو سليمان ورحت على معلمة المترسة ( السوسنة) ملقيتهاش رايحة على نابلس أتزور خالتها أمريضة ربي يشفيها ويعافيها يخوي يا عجوري توخذ هالمكتـــوب وأتروح على زتشريا يفتشوا وتعال بســـــــــــــاع احتشينا شو الأخبار كـــــــــــود الله ... اخونــــا يرجع على الدار

الله يمسيتشم بالخير والبرتشة

هاظ ماوصل مكتوب المختار رحت ركاظ للاستاز محمد جفال الزتشراوي والله انو زلمة غانم كرالي المكتوب بنفس واحد اتقول لبلبة في الكراية .. المهم قرالي المكتوب
وفرحت تشتثير لما سمعتو والله ابوسليمان بمون على الرقبة ورحي مقدمه الو ** هاظ تشبيري وتاج رأسي هو صحيح بعصب مني امرار بس بظلو صاحب قلب اتشبير بيسع لكل اهلو ..
ويختي يأمان هاظ ابوسليمان فش معو مزح هاظ ايدو والهواة ** بس ماحتشينا اشي كل الي قلناه انو رايح على اصتنبول يتعلم القراية والكتابة ..

[م .نبيل زبن]

عواف يا قرايبي
الله يصبحكوا بالخير جميعا
اول شي و بعد الصلاة على النبي بدنا نبارتش لاخونا و حبيبنا اياد الجندي ابو عمر
بمناسبة الفارس الجديد عمر الله يحفظه و يخليه لابوه و امه و الحمد لله على سلامة ام عمر

و ثانيا ....يا ابو عمر بدنا الحلوان و اقل من بعير (ناقة) مش قابلين !!!هههه

و ثالثا...يعني و صلتنى رسالة من اخوى و ابن عمي مختارنا ابو سليمان
زعلان و بتوعد و بتهدد عهلى مين طلع اشاعة البنطلون!!!

يا اخوي يا ابو سليمان طل علينا يا خوي لحالك او وانت مأنقج مع التركية
و خلينا نشوف القمباز!!
شو راااايك؟؟؟

[حسن العجوري]

اقتباس : المشاركة الأصلية كتبت بواسطة م .نبيل زبن [ مشاهدة المشاركة ]

عواف يا قرايبي الله يصبحكوا بالخير جميعا اول شي و بعد الصلاة على النبي بدنا نبارتش لاخونا و حبيبنا اياد الجندي ابو عمر بمناسبة الفارس الجديد عمر الله يحفظه و يخليه لابوه و امه و الحمد لله على سلامة ام عمر و ثانيا ....يا ابو عمر بدنا الحلوان و اقل من بعير (ناقة) مش قابلين !!!هههه و ثالثا...يعني و صلتنى رسالة من اخوى و ابن عمي مختارنا ابو سليمان زعلان و بتوعد و بتهدد عهلى مين طلع اشاعة البنطلون!!! يا اخوي يا ابو سليمان طل علينا يا خوي لحالك او وانت مأنقج مع التركية و خلينا نشوف القمباز!! شو راااايك؟؟؟

هاي هاي بشوفكو مخربينها بغيبتي

وراجعين لشروش

وصار عندكو مختار مترقي بلبس بنطلون ههههههههههههه

يقطع شرك يا بو اوس من وين جايب ( مأنفج) ههههههههههههه

تشكرات تشكرات لابو سليمان ولابو اوس