فتاة أردنية تطلب الطلاق من خطيبها الشاب بعد سقوط طقم أسنانه!

[م .نبيل زبن]

طلبت فتاة الطلاق من خطيبها الشاب 23 عاما بعد أن سقط طقم أسنانه أمامها رغماً عنه أثناء زيارته لهم .
وكان الشاب قبل أن يخطب الفتاة قد زار أحد أطباء الأسنان المشهود له بالجدارة ليعالج له أسنانه الأمامية المتآكله بشكل كامل لكي لا ترفضه الفتيات اللواتي يتقدم لهن بالخطبه فقرر الطبيب خلع تلك الأسنان وأن يضع له طقماً مكوناً من ستة أسنان الأمامية وأن يعاينها لمدة من الزمن فإذا كانت تلك الأسنان مناسبة للشاب فسوف يعمل الطبيب بعد عدة أيام على إلصاقها بشكل أبدي ليخرج الشاب فرحاً من عيادة الطبيب غير محرج من أي ابتسامة يُطلقها، ذاهباً فوراً لخطبة أحد الفتيات.

وقال الشاب " أن الله يسر له خطبة تلك الفتاة وكان مسروراً بذلك وفي أثناء تلك الفترة راجع الطّبيب لكي يعمل على تثبيت تلك الأسنان الاصطناعية ولكن الطبيب طلب منه بأن يراجعه بعد اسبوع لتثبيت أسنانه".

وأضاف "أن والد خطيبتي اتصل بي أثناء ذلك ليدعوني الى الغداء في اليوم القادم فذهبت وعندما وضع الطعام أصابني بعض السعال لينطلق طقم الأسنان الاصطناعي من فمي ويسقط بجانب مائدة الطعام بحضور الفتاة التي سارعت الى الصراخ في وجهي طالبة الطلاق

[شذى العطور]

مشكور اخي بستاهل لازم تطلب منه الطلاق لانه غشاش

كان لازم يقول الها انه مركب طقم اسنان

[Palboy]

وعندما وضع الطعام أصابني بعض السعال لينطلق طقم الأسنان الاصطناعي من فمي ويسقط بجانب مائدة الطعام بحضور الفتاة التي سارعت الى الصراخ في وجهي طالبة الطلاق






منظر لا يحسد عليه * و حظ اسوأ و اسوأ

[جوهرة عجور]

هو غلطان لأنه خبه الموضوع عنها وما صارحها من الأول وسبحان الله كل شيء بالآخر شو ما كان مخباه إلا ما يجيي يوم وينكشف بس كان المفروض يصارحهم من الأول وما يحط حاله بهيك موقف محرج بس هيه كمان ما بيوصل الموضوع للطلاق هادا إشي كمان مش بإيده حرام

[السوسنه]

لا حول ولا قوة الا بالله ، مسكين هالشاب شو ذنبه
انه سنانه تنزل افضل ما يكون معه مرض خبيث لا يظهر او مرض نفسي
حظة سيء
والبنت لازم اخذت وقتها مو هيك تفكر شوي قبل الطلاق
بس موقف لا يحسد عليه

[دموع التقوى]

والله حرام عليها انا شايفه انه الموضوع مابستاهل و يوصل للطلاق

هاد اشي عاد بعدين كلهم 6اسنان مش كلهم

[العجوري الاصيل]

انا شايف انه البنت معها حق ! كونوا محلها خاطبة جديد و لابسة احلى
فستان و عازمة خطيبها و تلاقي طقم اسنانه على صدر المنسف!

يعني لو قبلت فيه خواتها رايحين يذلوها بالحادثة و على ايش
خليه يتوكل و خلص

بس السؤال: مين رايح ياكل من المنسف بعد الحادثة؟

[زهرة المدائن]

يا حرام والله انه ما بستاهل يعني كانها الخطيبة كاملة ومكملة وما فيها العيب وليش لازم يحكيلها بما انه المشكلة كانت بدها تتصلح وينتهي الموضوع ضروري يحكي انه اسنانه كانو مخلعين او مسوسين
وحضرة جناب المخطوبة هي الخسرانة وبصراحة ما بتستحي كيف بتصرخ في وجه مخطوبها وبتزيد من احراجه؟؟؟

[*ريحانة*]

الحق على خطيبها
لانه الاصل انه يخبرها بالعيب الي عنده حتى لو كان بسيط بس هو نوى قبل الخطبه على الغش ففضح الله امره
لو صارح الفتاة قبل الخطبه ربما وافقت عليه وربما قبلت به حتى بدون طقم الاسنان

بس القصة فيها غش وقلبت على راسه بستاااااااااااااااااااااااااهل

[زهرة المدائن]

اخي عجوري الاصيل كيف عرفت انه الطبخة منسف كنت موجود؟؟؟
بس ما تكون انت الخطيب ؟؟؟