احتشي عجوري معاي

[شذى العطور]

اقتباس : المشاركة الأصلية كتبت بواسطة نسيم الوادي [ مشاهدة المشاركة ]

ههههههههه الله يسعدك راح أحاول ونشالله تزبط اوكي

يا خيبتي علي يا نسيم من وين جايبتيلي اوكي

هظا يمكن سمعتيها من الانجليز

الله يرضى عليتش احتشي مليح

بلاش اضحتشي الناس علينا

[نسيم الوادي]

تشيف حالتش يا سفيرة فلسطين
يعني كيف حالك صح

[أمان]

وين دار الوزاره وين دار الوزير


وين دار أبو سليمان مفروشِه حرير


وين دار الوزاره وين دار الزباط


وين دار أبو ... أوس مرصوفة بلاط



وأحنا جينا بعزومة مش حيالله

[أمان]

بدي أتخرف شوية نحوي

أخوي الفاضل أبو سليمان ::: الله يسعد أوقاتك

حــــــــــــــزينة هي ... عجـــــــــــــــور

قديمـــــة هي ... بنت كنعان

تتألم هي ... عجــــــور

وصــــــــــــــامت أنت...

وربما أنت في غيبوبة ... حقا لست أدري ؟

عجور تنزوي في حافة الذاكرة هي تدري انها ما عادت تفتقد

تبكي

تعلم انك غائب وصامت

***
عجور هويتنا وذاكرة الأجداد تحتاج ألف كاتب صادق

عجور هويتنا وذاكرة أمة عمرها الفين عام ... تحتاج الى قلب الشجاع

لا تحزني يا أمي (عجور حبيبتي) سيولد من رحم الغيبوبة

ألف شاعر

والف منتدى

والف كتاب

وألف مؤرخ

لتنتعش ذاكرة عجور


وألف متصفح احتشي عجوري معاي

وألف متصفح وحي الخيال لعجور

[السوسنه]

الله يمسيتش بالخير يختي أمان ، تشيف حالتش إنتي وولادتش انشالله كويسين

والله يختي انا زمان الي ما حتشيت معتشن في الطاقة هاي الي اسمها المنتدى
ما تواخذيني يختي كنت بعافية شوية وهالحين صرت مليحة
اه امان انا عم بحكي وبتذكر شو كانوا اهلينا يحكوا كلمات عجورية وانشاء الله اكون اتقنت اللهجة

[يمامة فلسطين]

الله يمسيتشن بالخير يا صبايا

تشيف حالكن إن شاء الله بخير الله يسلمكن يا رب

بكرة إن شاء الله غذاكن عندي مبكبلش أعذار من حدا بدي كلكن تيجن ويختي يا أمان الله يرضى عليتش انتي وسوسنة

بلكن تيجن بكرة تساعدني بهالكرصات وبهالحلبات بدي أغلبكن معاي بس عشمي فيكن كبير الله يرضى عليتشن يا رب

بستناكن يا بنات بكرة ان شاء الله جيبن ولادكن وتعالن .

[م .نبيل زبن]

الله يميستشوا بالخير جميعا
شايف الصبايا مستغلات طاقة هالفرج و بتسلن فيها
مبروتشة عليتشن كلتشن بس و ين الشباب

[*ريحانة*]

اقتباس : المشاركة الأصلية كتبت بواسطة نسيم الوادي [ مشاهدة المشاركة ]

تشيف حالتش يا سفيرة فلسطين يعني كيف حالك صح

ههههههههههههههه
نسيم بتحكي بالعجوري وبترجم كلامها وكان اللهجة العجورية لهجة مش مفهومه

[السوسنه]

يالله يا بنات تأخرت تشثير والله هالحين ليطردوني من الدار الزلمه ولولاد

ما تواخذني تصتبحن ع خير ان شاءلله بكره بشوفتشن

ويختي يا يمامه ولا يهمتش ترى انا من الفجر عندتش عاد ميشان اساعدتش في الغدا

بدتش تعملي مفتول اجيب طناجر المفتول معي يختي ولا لأ

طيب طيب هالحين بدي اروح اتأخرت
يلله تظلوا بخير

[أمان]

اقتباس : المشاركة الأصلية كتبت بواسطة *ريحانة* [ مشاهدة المشاركة ]

ههههههههههههههه نسيم بتحكي بالعجوري وبترجم كلامها وكان اللهجة العجورية لهجة مش مفهومه

هلا برفيقتي الغالية ريحانة

هلا بنت عجور الأصيلة ...

يسعد صباحك شفتي نسيم الوادي بترجم لغوتنا حسستني ان خرافنا سنسكريتي