يا طـالـب المـجــد فـي عجــور مــورده =عـــذب مـعـيــن يـروّي غــلــة فـيـنـــــا=شــــم الأنــــــوف أبــاة دام عـــزهــــــم =هـــم الأوائــل إن نــادى مـنــاديــــــنــــا=تـفـوح يـا بـاقـة الأزهـــار فـي وطـنــي =فــوح الأريـــج ونـفـح الطيــب يغـريـنـا كلمة الإدارة


مبارك .........مبارك لعجور ومنتديات عجور       »     عجور التاريخ و الحضارة - الحلقة الثانية       »     سجل الوفيات لعجور ١٣٢٠هـ -١٣٣٠هـ ١٩٠٢م - ١٩١١م       »     عجور التاريخ و الحضارة       »     ميزانية قرية عجور - 1939       »     عجور - وقوعات الزواج 1915م       »     عهد عشائر عجور بالحفاظ على اراضي عجور المشاع و عدم بيعها لل       »     اول أحصاء(حصر نفوس) موثق لسكان عجور1878م       »     أراضي عجور المشاع - حصري       »     اسماء من عجور مطلوبون للضريبة 1       »     ضريبة الانتداب البريطاني "3"       »     عجور - لجنة 18 ( اللجنة القومية لعجور)       »     أراضي عجور الحكر       »     عجور التاريخ و الحضارة-الحلقة الثالثة       »     علم النفس الاجتماعي       »     ملوك المملكة الاردنية الهاشمية       »     موسوعة صور القدس- زهرة المدائن       »     دليل الجامعات العربية و العالمية       »     روائع الشعر العالمي       »     موسوعة الاصول و القبائل العربية كاملة       »    

آخر 25 مشاركات
ملف عن الحج وما يتعلق به (الكاتـب : نور الهدى - آخر مشاركة : قلم حزين - )           »          كبرت بنتــي / قصة مؤثرة (الكاتـب : أمان - آخر مشاركة : قلم حزين - )           »          مبارك .........مبارك لعجور ومنتديات عجور (الكاتـب : م .نبيل زبن - آخر مشاركة : نور الهدى - )           »          عجور التاريخ و الحضارة - الحلقة الثانية (الكاتـب : م .نبيل زبن - )           »          سجل الوفيات لعجور ١٣٢٠هـ -١٣٣٠هـ ١٩٠٢م - ١٩١١م (الكاتـب : م .نبيل زبن - )           »          عجور التاريخ و الحضارة (الكاتـب : م .نبيل زبن - )           »          ميزانية قرية عجور - 1939 (الكاتـب : م .نبيل زبن - )           »          عجور - وقوعات الزواج 1915م (الكاتـب : م .نبيل زبن - )           »          عهد عشائر عجور بالحفاظ على اراضي عجور المشاع و عدم بيعها لل (الكاتـب : م .نبيل زبن - )           »          اول أحصاء(حصر نفوس) موثق لسكان عجور1878م (الكاتـب : م .نبيل زبن - )           »          أراضي عجور المشاع - حصري (الكاتـب : م .نبيل زبن - )           »          اسماء من عجور مطلوبون للضريبة 1 (الكاتـب : م .نبيل زبن - )           »          ضريبة الانتداب البريطاني "3" (الكاتـب : م .نبيل زبن - )           »          عجور - لجنة 18 ( اللجنة القومية لعجور) (الكاتـب : م .نبيل زبن - )           »          أراضي عجور الحكر (الكاتـب : م .نبيل زبن - )           »          عجور التاريخ و الحضارة-الحلقة الثالثة (الكاتـب : م .نبيل زبن - )           »          كيف و متى تحدثين طفلك عن التحرش ؟ (الكاتـب : م .نبيل زبن - )           »          قصص اطفال للبنوتات الحلوين (الكاتـب : اميرة عجور - آخر مشاركة : م .نبيل زبن - )           »          علم النفس الاجتماعي (الكاتـب : م .نبيل زبن - )           »          ملوك المملكة الاردنية الهاشمية (الكاتـب : م .نبيل زبن - )           »          موسوعة صور القدس- زهرة المدائن (الكاتـب : م .نبيل زبن - )           »          دليل الجامعات العربية و العالمية (الكاتـب : م .نبيل زبن - )           »          روائع الشعر العالمي (الكاتـب : م .نبيل زبن - )           »          موسوعة الاصول و القبائل العربية كاملة (الكاتـب : م .نبيل زبن - )           »          ضيف اليوم بصراحة (الكاتـب : Big heart - آخر مشاركة : ajoor - )


العودة   منتديات عجور - بيت كل العرب > قسم ابناء منتدى عجور > ملتقى عجور للموسوعات
ملتقى عجور للموسوعات موسوعات عالمية في منتديات عجور



إضافة رد
قديم 11-28-2010, 05:56 PM رقم المشاركة : 1
معلومات العضو
مازن الجبالي
عضو برونزي
 
الصورة الرمزية مازن الجبالي
إحصائية العضو






 

مازن الجبالي غير متواجد حالياً

 


افتراضي قصص الحكواتي (متجدد)


السلام عليكم ورحمة الله


اسعد الله اوقاتكم جميعا


وهلحين بدي احكيلكم كصة تحطوها حلكه في ذنيتشن

وبدي الجميع يكراها


يحكى انّ

كان فيه شاب محترم ميسور الحال ؛ وحيد امه وابوه ومدلل من امه بشكل كبير جدا وتحت رعايتها وحنانها وحبها ودلالها عايش في نعيم باسم الله ماشاء الله عليه وعليها


منشان هيك كان عايش لاشغلة ولا عمله ولابفهم بشغلة اصلا اذا بدو يشتغل
ولولا المصاري (الفلوس) اللي بوخذها من امه بالسر من ورا ابوه كان اكل هوا

وبتلاقيه يا بيكسدر مع اصحابه بالشوارع يا نايم ثلاثترباع الليل والنهار ؛ يا كاعد (لا للسدة ولا للهدة) مثل مابحكي المثل
او زي ما بحكوا هلايام (شوفير فرشه)

بيوم اجا عليه ابوه وحكالو : شوف يا ابني ؛ انت كبرت ما شاء الله عليك ولازم تشتغل وتصير تعتمد على حالك ؛ مابنفع هيك ؛ بكرة بنموت وبتصفى مابيظل الك حدا غير نفسك وذراعك وشغلك راس مالك

حكالوا : يابا شو بدي اشتغل ؟ مابعرف اشي ولا تدربت على اشي

ابوه : (بينه وبين حاله) : مهو من همالتك ودلال امك

ابوه : بتتعلم يابا ؛ مافيه بني ادم انولد متعلم ؛ من الصبح بتنزل عالبلد وبتشتغل اي اشي بتقدر عليه ؛ ولاترجع كبل ما تجمع حق ليرة ذهب وتجيبها معك

وفعلا ثاني يوم ولما كان مزبط امور الطلعة وبدو يروح اجت عليه امه واعطته ليرة ذهب وحكتلو غيبلك يمّا يومين ثلاث ؛ تسلى ؛ وتعال اعطي ابوك الليرة ؛ والله ماني عارف ابوك ليش مستعجل على بهدلتك بالشغل ؟ مالحالة ميسورة والحمد لله ؛ خذ يما الليرة بس لاتجيب سيرة لابوك لحسن يذبحني

وفعلا اخذ الليرة وغاب يومين ثلاث ورجع اعطاها لبوه

ابوه مسك الليرة ؛ صار يدقق فيها مزبوط بعينيه ؛ حرك راسه مش مبسوط وحكى : لا ياولدي مش هاي الليرة اللي وصيتك عليها ؛ هاي رح ارميها بالنار هسا ومن بكرة الصبح بتنزل عالمدينة تشتغل وتحصل ليرة ثانية وتيجي

وفعلا قام ورماها بنار الكانون اللي قدامه ؛ ودخل على غرفته ونام ؛ والولد مبحلق فيه وبالنار


ثاني يوم صار نفس الشي وامه اعطته ليرة ذهب ؛ وغاب ورجع اعطاها لابوه
وابوه عمل نفس الشيء ورماها بالنار وحكالو من الصبح بترجع تجيب ليرة غيرها


وثالث يوم ورابع يوم ؛ نفس الموال

الولد عاد زهق وحكى والله لاطلع بنص الليل من دون ما امي تشوفني وادوّر على الليرة اللي بدو اياها ابوي واشوف شو اخرتها

وفعلا طلع من دون مايحكي لامه ولا يوخذ منها اشي

وغاب


غاب


غاب


ييجي شهرين ثلاث


بس لما رجع كان معاه ليرة ذهب فعلا من عرق جبينه

دخل على ابوه (مقربط عليها) يعني ماسك الليرة بايدو بقوة وحرص لحسن تسقط ولا تضيع منه ؛ واعطاها لابوه


ابوه ؛ نفس الشيء برضو ؛ دقق بالليرة بعينيه ؛ وهز راسه مش مبسوط وحكالو : برضو مش نفس الليرة اللي بدي اياها ؛ وقام منشان يرميها بالنار


ابنه عاد ؛ هالمرة ؛ (هاظ) عليه ؛ يعني هجم بسرعة منشان ينقذ الليرة

وحكالوا يابا حرام عليك ؛ 3 اشهر اكلت هوا لحتى دبّرتها وجبتها وهسا بدك ترميها بالنار !!!!


الاب : اها ؛ هيك لعاد ؛ طب ماني عارف قصة الليرات( الاولانيات) منشان هيك رميتهن قدام عينك ؛ بس انت ولاتحركت ولا زعلت على ليرة وحدة فيهن
منشان هيك عرفت انك ماتعبت فيهن
لوتعبت فيهن كان ماخليتني ارميهم بالنار (مثل هسا)

شايف يا ابني قيمة الانجاز !!

وكيف لما تتعب بشغلة مابتهون عليك تخسرها او تضيع بسهولة قدام عينك ؟


شايف كديش كنت انت وامك تصرفوا مصاري من غير حسيب ولارقيب بفايدة و بدون فايدة وكأنها اموال حرام !!!


طبعا مش رح تحسوا فيها ولابخسارتها لانكم ماتعتبتو فيها

بس لو كانت مصاريك انت وتعبان فيها كان ماخليت حدا يبعزقها يمين وشمال بدون فايدة


يا ابني :

الرجل بدون شغل مش رجل ؛ والمصاري اللي مش متعوب عليها سهل تضيع

دايما اعتمد على نفسك مش على غيرك

لانو غيرك مش دايملك ؛ ولادايم غير الله

ولانو برضو مش من حقك تضيّع تعب غيرك وتعيش عالة عليه
حتى لو ابوك وامك ؛ بكرة بيموتو وبتعيش عالة على غيرهم ؛ والله اعلم اذا بتلاقي غيرهم ولا لأ ؛ وحتى لو ما ماتوا ؛ المفروض باخر حياتهم انت تصرف عليهم مش همي اللي يصرفوا عليك !!


يا ابني ؛ من جد وجد ؛ ومن زرع حصد
ومن جاءهُ المال بغير جهد ، هان عليه ضياع هذا المال
يا ابني ؛ قال صلى الله عليه وسلم : ‏‏‏نعمتان مغبون‏ ‏فيهما كثير من الناس الصحة والفراغ
اغتنم شبابك قبل هرمك ، وصحتك قبل سقمك ياولدي



وسلاامه تسلمكم







رد مع اقتباس
قديم 11-29-2010, 11:11 PM رقم المشاركة : 2
معلومات العضو
مازن الجبالي
عضو برونزي
 
الصورة الرمزية مازن الجبالي
إحصائية العضو






 

مازن الجبالي غير متواجد حالياً

 


افتراضي



الارض حرة ورح تبكى حرة


قدام صحن الزيتون والزيت والزعتر قعدت ام خضر تتغندر بتوكل لكمة من هان ولكمة من هان ولا بيدخل ابنها بصيح
يما يما تعالي الحقيني
ليش يما شوفي خير ان شاء الله
قال يما البلاد قصتها غريبة كال في انجاس داسو على الارض الحبيبة
يما هيك بيكولو بس احنا ما رح نخضع
طيب يما هيك الارض رح تبكى رهينة
لا يما هذا الحتشي مو صحيح والارض ما رح تهدى والخونة والانجاس رح نقتلهم فدى لايمان ولمحمد الدرة
اقعد ياولادي لاخرفك قصتنا وشو عملت بطولتنا صحيح هما قتلوا فينا بالميات بس عمره الحجر ما مات
والارض رح تبكى حرة
كال اسرائيل او يهود كلهم اوغاد بس المهم كرامتنا
يمكن هما فكرو انه هذا الشي مات بس رح يبكى اكثر منهم
ايواه يما لو تعرف هالوطن شو قدم من تضحيات
من اطفال وابرياء مثل محمد الدرة
يمكن هما بأسلحتهم اقوياء بس احنا لو توحدنا حندوسهم تحت صرمايتنا


ياوليدي حابب اخرفك تشثير عن هالوطن الحبيب
بس الحتشي اخذنا وهلك بيجي ابوك واحنا ما قمنا من مطرحنا
فروح يا وليدي ولا تخاف ومثل ما حتشتلش الارض حرة ورح تبكى حرة







رد مع اقتباس
قديم 11-30-2010, 12:22 PM رقم المشاركة : 3
معلومات العضو
م .نبيل زبن
المؤسس
 
الصورة الرمزية م .نبيل زبن
إحصائية العضو







 

م .نبيل زبن غير متواجد حالياً

 


افتراضي


مميز دائما يا مازن 00000هذا موضوع اتمنى ان يكون متجددا







رد مع اقتباس
قديم 11-30-2010, 12:27 PM رقم المشاركة : 4
معلومات العضو
Palboy
عضو برونزي
 
الصورة الرمزية Palboy
إحصائية العضو






 

Palboy غير متواجد حالياً

 


افتراضي


"العنزة العنزية



كان يا مكان يا مستمعين الكلام. وما يطيب الهرج والكلام إلا بذكر الله. لا إله إلا الله.
في هالعنزة إلها أربع أولاد واحد اسمه سعسع وواحد اسمه حمحم وواحد اسمه معمع وواحد اسمه حماحم. كل يوم بتطلع العنزة الصبح وبترجع الظهر حامله على ظهرها يندك(1) حشيش و صدرها مليانه حليب. أولاداتها جوا الدار. بتدق ع الباب.
- يا أوليداتي ما.. يا اسخيلاتي ما.. افتحوا بويباتي با. ع ظهري بندك حشيش... وابزازي مليانات حليب.
بهيظوا(2) الأولاد، وبفتحوا الباب. بوكلوا هالحشيش ويرظعوا الحليبات وبقيلوا بجنب امهم.
والله يوم من ذات الأيام طلعت العنزة في رزقة أولادها.. هي بتطلع من هون والغول بيجي من هون. أثاري الغول يبقى سامع وعارف إنه في غنزه وأولادها. أجا الغول. صار يدبدب ع الباب ويقول بصوت هرج.
- يا أوليداتي ما.. افتحوا ابويباتي با. ع ظهري بندك حشيش... وابزازي مليانات حليب.
هاظوا السخول يفتحوا.. نط الزغير.. قالهم ولكم هذا الغول. الغول. مش الغول... ما ردوش على سعسع وراح يفتحوا الباب. زرق واتخبى بالقش. والله فتحوا الباب من هون والغول فات من هون.
صاروا يتفارخوا(3). نط عليهم الغول وسرطهم(4) في بطنه.
ما أقرب من فرج الله أجت العنزه.. لقيت الدار قفره والمزار بعيد(5). خرفها سعسع من قصقص لسلام عليكم.. طلعت.. راحت على ظهر بيت الغول وقعدت تدبك... صار الغول يقول:
مين اللي ع حيطاننا كسر فخارنا
ردت عليه العنزة:
- هاي العنزة العنزية، أم قرون احديدية، اللي أكل معمع وحمحم وحماحم يطلع ع البر يزاحم.
قالها الغول استنيتي تمني أعمل قرون من عجين وانزل لك. استنته. عمل قرون من عجين وقعد بالشمس. ونزل لها. قالت يا ستين بقرون العجين وكسرتهن بظربة واحدة. قالها استنيني تمني أعمل قرون من طين... عمل قرون من طين وقعد بالشمس تانشفت ونزل لها.. برظه كسرتهن بظربه واحدة. قالها استنيني تمني أعمل قرون حديد. فاظت مع العنزة. قالت له وبعدين معاك وراحت ظاربه بطنه بقرونها وفجرته.. نطوا أولادها معمع وحمحم وحماحم.. أخذتهم وخلت الغول متلس(6).
هوامش الحكاية : 1- كومة ضخمة، حمل

2- يهجمون
3- يصرخ الواحد في أثر الآخر
4- ابتلع
5- لا أحد موجود 6- ميت وملقى على الأرض







رد مع اقتباس
قديم 11-30-2010, 01:42 PM رقم المشاركة : 5
معلومات العضو
مازن الجبالي
عضو برونزي
 
الصورة الرمزية مازن الجبالي
إحصائية العضو






 

مازن الجبالي غير متواجد حالياً

 


افتراضي


اقتباس : المشاركة الأصلية كتبت بواسطة م .نبيل زبن [ مشاهدة المشاركة ]
مميز دائما يا مازن 00000هذا موضوع اتمنى ان يكون متجددا


مشكور اخي م نبيل لمرورك العطر تحياتي






رد مع اقتباس
قديم 11-30-2010, 01:44 PM رقم المشاركة : 6
معلومات العضو
مازن الجبالي
عضو برونزي
 
الصورة الرمزية مازن الجبالي
إحصائية العضو






 

مازن الجبالي غير متواجد حالياً

 


افتراضي


مشكور اخي Palboy

لمرورك بالموضوع واضافت هذه الحكايه الظريفه
تحياتي







رد مع اقتباس
قديم 11-30-2010, 01:58 PM رقم المشاركة : 7
معلومات العضو
أمان
عضو ملكي
 
الصورة الرمزية أمان
إحصائية العضو






 

أمان غير متواجد حالياً

 


افتراضي


عنجد قصة حلوة كتير وممتعة وفكرة بتجنن كيف كانو ايام زمان
عايشين على هل القصص بدون تلفزيونات
يعني رجعتنا لايام زمان
الله يعطيك العافية على الابداعات وبالتوفيق بالمستر








رد مع اقتباس
قديم 11-30-2010, 02:20 PM رقم المشاركة : 8
معلومات العضو
مازن الجبالي
عضو برونزي
 
الصورة الرمزية مازن الجبالي
إحصائية العضو






 

مازن الجبالي غير متواجد حالياً

 


افتراضي


اقتباس : المشاركة الأصلية كتبت بواسطة أمان [ مشاهدة المشاركة ]
عنجد قصة حلوة كتير وممتعة وفكرة بتجنن كيف كانو ايام زمان
عايشين على هل القصص بدون تلفزيونات
يعني رجعتنا لايام زمان
الله يعطيك العافية على الابداعات وبالتوفيق بالمستر




شكرا لك اخت أمان لمرورك طبعا لازم نرجع لايام زمان هو في احلا من هذيك الايام تحياتي لك






رد مع اقتباس
قديم 11-30-2010, 02:28 PM رقم المشاركة : 9
معلومات العضو
مازن الجبالي
عضو برونزي
 
الصورة الرمزية مازن الجبالي
إحصائية العضو






 

مازن الجبالي غير متواجد حالياً

 


افتراضي



مين اشيل همي شوي

السلام عليكم جميعا يا محترمين


شوفو ياجماعة الخير شو صار معاي كبل يومين
انزلت الصبح على المحل متأخر وحالتي بالويل وزي مابيقولو شايف الديك ارنب
طبعا كل اسبوع لازم يطلع يوم مش نافع وغالبا مايكون يوم سبت
بفتح بالمحل جرس التلفون برن رفعت السماعه طلعت اسطوانه ( تم فصل الهاتف مؤقتا لعدم التسديد) قلت الله يسطر من هاليوم

رتبت المحل وجهزة اموري ولاهو جاي موظف شركة الكهرباء (اعطاني فاتورة الكهرباء وحكالي معك اسبوع ولا...........) قلت بيسر الله
عبيت السخان ميه لان شغلي بدون ميه سخنه مابزبط(شغل جرة الغاز فش فيها ولا حبه الجره الثانيه نفس الموال فاضيه) وبعدين مع هاليوم
اجيت بدي اتصل على بياع الغازسحبت الخلوي زي الزلام من جيبتي ضربت الرقم اوكي (لم يتبقى في حسابكم رصيد يرجا زيادة حسابكم في اسرع وقت ممكن)
صارت الساعه واحدة بعد الظهر قلت لحالي بدي اروح اتغدى وبعد الغدا بهونها ربك شغل السياره الك دين والي دين(مخلصه بنزين)قلت اليوم من اوله
اوصلت الدار شو طابخين (ولاشيء ليش ما جبتش اشي للطبيخ)
قررت اني اروح اسرح على الجبل واغير جو وابعد عن الناس اشتريت بزر واخذت معاي ركوة قهوه
اوصلت المكان المناسب قلت بدي انام شوي نمت ربع ساعه اصحيت لقيت(النمل ماكل البزر )قلنا رزقتهم
قلت بدي اعمل فنجان قهوة على الحطب رحت اعبي ميه من البير وانا بعبي الميه وقع مني (بكيت الدخان في البير(قلت فش نصيب ويمكن احسن الي)اليوم امبين من اولو زفت



قررت انام ساعتين وانسا كل اشي صار معي


وانا نايم اشي بضرب في بقوه اصحيت يا حبيبي الهم طلعو جنود شو بتسوي هون هات هويتك وتعال معانا


قلت الله يستر اذا اخذوني معهم معناها اكلت سبانخ والمصيبه اذا نيموني عندهم الشغله فيها سجن


والي حسبته صار اجا علي جندي وحكالي الليله بدك اتنام عنا ليش قلي اسكت ولا كلمه
قلت بعقلي الله يرحمك ياسيتي كانت تحكي مثل . اليوم اتذكرته(اليد اللي ما بتقدر تعضها بوسها وادعي عليها تنكسر)لابدي اعضها ولاابوسها ايحلو عني وبس


الساعه صارت ثلاث بعد نص الليل ومحسوبكم مش عارف اينام



اخر شيء من كثر ما انا مقهور من هذا اليوم قررت انام وشو ماصفت اتصفي غلب علي النوم نمت واصحيت الصبح




لا انا كاين احلم


مع تحياتي للجميع







رد مع اقتباس
قديم 12-01-2010, 02:21 PM رقم المشاركة : 10
معلومات العضو
مازن الجبالي
عضو برونزي
 
الصورة الرمزية مازن الجبالي
إحصائية العضو






 

مازن الجبالي غير متواجد حالياً

 


افتراضي


ألسلام عليكم ورحمة الله وبركاته


الله يمسيكم بجميع انواع الخيرات وهداة البال والحسنات


ولسان سادك مايعرف زلّلات


كصتنا اليوم عبارة عن :

خرفيّة اولها تشذب واخرها تشذب (كذب)




يحكى انّ




كان يا ماكان فيه صياد فقير وعلى باب الله كل يوم يروح يتصيد على شط البحر ويبيع ويوكل سمك وعلى هالحالي يا خالي

وبيوم من الايام وهو كاعد على صخرة ورامي السنارة وجاعص والا يشوف ثلاث طيور كبيرة يهدّين بمنطقة كريبة من الصخرة * واحد من هالطيور شلح الريش تبعه والا هي كاينة بنت زي الكمر(القمر) قعدت تكسدر عالشط ونزلت للبحر تتشمس الحلوة وبعدين دخلت عالميّ تسبح

صاحبنا ترك السنارة وراح على منطقة الطيور * والطيور شافته وهربن * راح وحرق ريش الطير (البنت الكمر) اللي في الميّة
ووقف بعيد يراقب تقول مخرج برنامج صادوه

طلعت البنت القمر من البحر اول شيء مالقيت زملاءها الطيور * وثاني شيء مالقيت ريشها * وعلى طول صارت تلطم وتعيّط

صاحبنا الثاني على طول دشع ورمى عليها عباته وستر عليها وحكالها جيتي والله جابك * يلا روحي معي واتجوزها على سنة الله ورسوله وصارت ست بيت وهو يسرح عالصيد كل يوم كالعادة

وبيوم طلبت من جوزها تطلع تكسدر وتشم هوا البحر زهقت المسكينة من خنقة البيت وبدها تتنفس حكالها ماعندي مشكلة بس لاتطوّلي
لبست وتهندزت وطلعت تقول ملاك وماشي عالارض صلاة النبي ماحلاها * شافها ابن السلطان * ونزلت ريالته عليها
رجع عالقصر وحكى لامه : قيمي فراش الهنا وحطي فراش العزى !
قالت له امه : من غير شر عنك يما شوفيه ؟ شو صاير ؟ شو السيرة ؟؟
حكالها هيك هيك القصة * حكتلو يم يمّا ملقيتش غير هذي ؟ هذي مرة متجوزة يما
حكالها ان عكلي خزك اذا ما اخذتها رح اموت
حكتله : مابكونش امك ومرت السلطان ان ما جبتها خدامة تحت اجريك * مش بس تتجوزها

راحت مرت السلطان لجوزها (والظاهر كاينة حاكميته ) قالت له * فيه هالمرة الفلانية متجوزة * بس ابنك بدو اياها واذا ما اخذها ابصر شو بيصير فيه ويمكن يروح فيها
قالها يامرة اتقي الله مش بتكولي متجوزة !!!
حكتله ايوة بس انا مابستغني عن ابني * وبدك تدبرنا
شو بدكم بطولة والقصيره اقنعته للسلطان انه يدبر مصيبة للصياد منشان يستفردوا بمرته

السلطان قال نادولي الصياد
اجى الصياد
حكاله : بدك تعمللي بساط شقفة وحدة وطوله من هون للبحر * خذ هالالف ليرة حق البساط*ومعك يومين تخلصه يا امّا بقطع راسك

الصياد طبعا روح عالبيت مش شايف الفظى
سالته مرته شومالك حكالها قصة المصيبة اللي نزلت على راسه ونفسه بس يفهم ليش السلطان اختاره من بين خلق الله كلهم !
وحكالها : شو رايك هاي معنا الف ليرة خلينا نحمل حالنا ونهج من هالبلد

حكتلو لا بدنا نرحل ولا عيالنا
روح عند اختي بالمغارة الفلانية ع شط البحر واحكيلها بتسلم عليكي اختك وبتقوللك اعطينا المغزل اللي عندك

ركاظ راح عالمغارة وجاب المغزل * ومرته علمته كيف يشتغل عليه وراح لعند السلطان وعمله بساط طويل عريض في لحظات كليله وحكاله : اذا حابب تفرش الصحرا موكيت ناديني بس وماعليك

الناس اتعجبت
وابن السلطان مرض

مرت السلطان راحت لجوزها وحكتلو بدك تدبرنا مرة ثانية * حكالها ياولية اتقي الله خلص
حكتلو اسمع علي تاقولك : اطلب من الصياد يجيب لك ولد عمره اسبوع يخرفنا خرفية اولها تشذب واخرها تشذب

السلطان قالها يا ولية اتقي الله مش لهالدرجة * حكتلو انت بس اعمل مثل ما قلتللك واذا عجزنا كمان هالمرة بوعدك ما افاتحك بالموضوع مرة ثانية خلص

نادى السلطان عالصياد وحكالو بدك تجيبلنا ولد عمره اسبوع يخرفنا خرفية اولها تشذب واخرها تشذب ومعك يومين والا رح اقطع راسك

الصياد روح عالبيت مش شايف الفظى مرة ثانية المسكين وحكى لمرتو : انا بدي اهج من البلد * حابة تيجي معي ؟

قالتله شو فيه ؟ حكالها شو طلب السلطان منه

صارت تظحتش (تضحك) * حكالها : واخرى كمان بتظحتشي ؟؟
حكتلو ولا يهمك
خذ المغزل وروح رجعه لدار اختي طوّلنا عليهم واحكيلها بتسلم عليكي اختك وبتحكيلك ممكن تسلفينا ابنك اللي ولدتيه جديد
لمدة ليلة وحدة بس ؟ وجيب الولد وتعال

وفعلا راح الصياد ودّى المغزل وجاب الولد وراح فيه عالقصر على طول
كل الناس في القصر اندهشت وصارو يحكو : الصياد بيتهبل علينا ولا شو القصة ؟

وهمّي مندهشين والا الولد يحكي : يا جماعة وين السلطان ؟ خلصونا

دشع السلطان مسرع وهو مش مصدق ذنيه

الولد حكى :

شوف يا سيدي السلطان انت طلبت تسمع كصة اولها تشذب واخرها تشذب وانا جيت احكيلك اياها * واستغفر الله العظيم
قبل ما اكذب رح احكيلك * اني انا لما كنت شب قلت بيوم بدي اطلع اتنزه * تحزمت بسور المدينة واخذت الميذنة وحطيتها سكين على جنبي وقلت يا باب الله الكريم
مرّيت على هالزلمة على باب الله في الصحرا بيبيع بطيخ * واقف المسكين بهالصحرا والدنيا بتمطر وهو بنادي : بطيخ بطيخ
شريت هالبطيخة وتناولت الميذنة بدي اشقح فيها البطيخة فلتت مني الميذنة بقلب البطيخة واتدحرجت * شمرت ولحقتها * والا هالمدينة بتطبل وبتزمر وهالسوق مليان بياعين * ظليت امشي من حدّها لردّها والا هالديك حامل الميذنة بمنقاره * ركظت وراه
اخذتها منه وظربته بالميذنه وطلعت له دبّره على ظهره * قلت حرام يا ولد داويه
مرقت على العطار واعطاني حبة جوز وحكالي ادقها وارشها على الدبّرة * وسويت زي ماحكالي
وما خلصت الا وشجرة جوز تنبت على ظهر الديك * وبسرعة كبرت وكبرت لحتى وصلت السما
قلت فرصة اطلع عليها واستطلع السما عن قرب
وظليت اطلع اطلع اطلع تاوصلت اخرها
والا هالسهل على مد العين ومليان ناس بتحرث وبتدرس القمح والسمسم
وقفت جنب حراث بيلقط سمسم * وشفتلك نملتين يشدّين بحبة سمسم
هذي تشد من هون وهذي تشد من هون لحتى انفلقت حبة السمسم نصين
وهي انفلقت من هون ونهر من زيت السيرج يسيل منها * والله لولاني نطيت بالسفينة والا سيل الزيت بدو يجرفني
وظليت بهالسفينة داير لحتى وصلت عندكم وجابني هالصياد على قصركم الكريم

صرخ ابن السلطان : يقصف عمرك شو كذاب

قال الولد : والله ان كان عالكذب انتو اللي طلبتو الكذب . وانت بالكذب برضو بدك توخذ مرت واحد فقير ظلم يلي ماتخاف الله

الناس انخرست من هول المفاجأة * مفاجأة الولد اللي بحكي ومفاجأة نوايا ابن السلطان اللي كشفها الولد

السلطان صرخ وحكى قيمو هالولد من هان * قاموه وروحت الناس وروح الصياد على مرته والناس تحكي اللي الله معاه كل الناس معاه

وابن السلطان طق ومات من القهر


والصياد هج من البلد على وساع الوقت

وتوتة توتة خلصت الحتوتة


ولنا لقاء اخر ان شاء الله







رد مع اقتباس
إضافة رد

الذين يشاهدون محتوى الموضوع الآن : 3 ( الأعضاء 0 والزوار 3)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 01:01 PM بتوقيت عمان

Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir
[ Crystal ® MmS & SmS - 3.6 By L I V R Z ]
mess by mess ©2009