عاشق من الغربه
عجور ما قدرت اصبر وأنا كلي وله منثور
احسب الساعه بغيابك واعد اصغر ثوانيها
احسب الليل يسمعني وشمس ٍ بالنهار تدور
افكر كيف ما تفهم عيوني ما تداريها
الا يا ليل يا بردك توكّل وابتعد مشكور
اريد نهار ٍ يجي بعدك وأريد صبحك يعديها
انا قارب بلا مجداف ساكن في زمن مقهور
غريق ٍ في بحر أشواق بعيد ٍ عن موانيها
عجور لا تلوم اللي تعلق في سماك دهور
انا من جيت للدنيا وأرضك احلم ٍ فيها
انا عاشق من الغربه تولعت بذاك السور
ولو دارت علي سنين دروبك ما أخليها
رسمتك أو تخيلتك .. احدث بك بدون شعور
احدث عن أيامك من أولها لتاليها
نويت امسح ظلام الوقت واختارك بداله نور
نويت ابعد عن أيام ٍ تعبت اجمع بلاويها
اعد نجوم هالدنيا سهيت وعديتها مجبور
احاول اجمع نجومي ولا أنا قادر احصيها
احبك كثر ما طارت في سماك طيور
احبك كثر ما خاوت حروف العشق هاويها
واحبك كثر ماشافت عيون الناس غاليها
عجور ما قويت اصبر وأنا كلي وله منثور
احسب الساعه بغيابك اعد اصغر ثوانيها
ابو ثائر بنات