ياصاحبي ليش تهجر شي معاك اسباب والا كذا عابره في دفتر الذكرا
قريت كل الشروع ذي خطو الكتاب ولم احصل لكم يالقاسيين عذرا
نا للسماحه وللمعروف فاتح باب القلب مفتوح مصراعيه واتحرا
كتاب مفتوح للاصحاب والاحباب لن اغلق البوب في وجهك ولا اتبرا
ياليت جانا وصارحنا مع لاطياب ولو يعاتب فمن حقه وذا بشرا
طفيت شمعاتك الحلوه وحلمك ذاب شليت ذي كان معك والنور والبدرا
لا تعتمدشي علا الواشي فهو كذاب كذاب طيله حياته ليس له قدرا
ذي ماوفي في رفيقه بالصراحه عاب عايب وخايب ولا يصلح مدا الدهرا
والحب قال المثل الحب للحباب ذي يعرف الحب ماسلم في اليسرا
احنا سلاطين بحر الحب والاقراب ربانها في شراع الباخره ادرا
نعبر بحوره ونجم اليل ماقد غاب البحر بحري وانا للعاشقين ذخرا
ياحب ياحب منتاشي ابد عذاب و كان من حب يتعذب لما اتجرا
انت الاحاسيس والاحساس ذي لي طاب وانت المشاعر وانت الحلم والصبرا
وانت زهر القلوب والسعد والاطراب وانت كل الاغاني واعذب الوترا
الحب احسااس صادق ليس بالرغاب ولا بترهيب تملك حب او اغراء
اقرا ولا حض وجرب نغمه الشباب شوف الربابه برقتها على الصحراء
الحب هو كنز غالي لا ثمن له جاب ولا يثمن في الياقوت والدرا
صلو معي ياحبايب مانزل سكاب على النبي المصطفى وطيب الذكرا