من الذي يقرر الفشل والنجاح

[اسماعيل السلاق]

هل قلت لنفسك مرة إنك جربت كل الطرق الممكنة عشان توصل لحاجه معينة ، وفشلت في كل مرة .. مما دفعك ان تشعر باليأس وتقف عن المحاولة ؟
ناس كتير منا بيجربوا الفشل .. ولما يتكرر بيعتقدوا إنه مؤشر انهم غير ناجحين في حياتهم.. وإن أفضل طريقة عشان يتوقفوا عن الشعور بالإحباط هو أن يتوقفوا تماما عن المحاولة .. ويرضوا بالأمر الواقع
إيه الموضوع ؟
طيب . عشان نعرف إيه الحكاية تعالوا نعرف إيه هو النجاح بالضبط ؟؟؟
ناخدها واحدة واحدة .. ونحسبها بالعقل
ما النجاح ؟
فيه تعريفات كتير للنجاح.. لكن التعريف اللي أقنعني فعلا هو (النجاح هو القدرة على الانتقال من فشل إلى فشل دون أن تفقد حماسك) "ونستون تشرشل"
خدت بالك من المقولة؟
لو قرأت قصص الناجحين في أي مجال سوف تكتشف شيء غريب كثير.. سوف تلاحظ إن أي شخص ناجح في أي مجال مر بسلسلة من الفشل في بداية مشواره.. لكنه كمل محاولاته لحد ما وصل للنجاح اللي وصل له ..
يعني الفرق بين الناجح والفاشل هو إن الفاشل توقف عن المحاولة وشعر باليأس .. لكن الناجحين مابيعرفوش الشعور بالفشل
ناخد مثال على الموضوع
"توماس أديسون" والمصباح الكهربائي
كتير من الناس بيعتبروا "توماس أديسون" من أكثر العلماء اللي أثروا في حياتنا باختراعاتهم *وانا اولهم .. لأن ماحدش فينا يقدر يتخيل الحياة من غير المصباح الكهربائي..
توماس أديسون" يعتبر فعلا من أهم العلماء في تاريخ الإنسانية وله أكثر من براءة اختراع ..
لكن تعرف أنه مر بسلسلة متتاليه من الفشل قبل اختراع المصباح الكهربائي ؟
حاول "توماس أديسون" وأجرى العديد من التجارب لأنه كان يؤمن بفكرته.. فكرة إنه يخترع حاجة بتضوي
وتكررت تجاربه الفاشلة حتى وصلت إلى 9999 تجربة.. تخيل !! ؟؟
وفي حديث مع وسائل الإعلام سأله أحدهم: "سيد أديسون.. لقد فشلت 9999 مرة،
إنت فاشل عالمي.. لماذا لا تتوقف عن هذه التجارب الفاشلة ؟
عارفين ايش رده؟؟
قال "توماس أديسون": (الفاشلون هم أناس لم يعرفوا كم كانوا قريبين من النجاح حين توقفوا!!) شايف الكلام ؟ كم هو قوي ومؤثر ( من وجهة نظري )
يعني لما تجرب كل الطرق الممكنة عشان توصل لهدفك .. قبل ما تشعر باليأس وتتوقف اعرف إنك قربت جدا من هدفك .. ممكن تكتشف إنك وقفت قبل ما توصل لهدفك بخطوة .. وبتحصل فعلا عند كتير من الناس .. بس هم ما بياخدوا بالهم
اقولك حاجة صغيرة.. فيه حكيم صيني قال: (حينما ينغلق أمامك باب الأمل.. لا تتوقف لتبكي أمامه طويلا.. لأنه في هذه اللحظة انفتح خلفك ألف باب ينتظرون أن تلتفت لهم
لما تلاقي نفسك يئست اعرف إن نجاحك قرب .. لما تلاقي فشلك اتكرر اعرف إنه مش فشل .. بل تجارب سوف تسفيد منها في المرة القادمة عشان توصل لهدفك.. جرب بنفسك
اقول لك حاجة تجربها .. وأنا جربتها قبلك: اقعد في مكان هادي وغمض عينيك.. متنامش طبعا فكر في فشل حصل لك في أي موقف في مواقف حياتك ..
فكر بينك وبين نفسك : هل لو حصل لك الان (في الزمن الحالي) نفس الموقف.. سوف تتصرف بنفس الطريقة ولا لا ؟؟
أكيد لأ..
عشان التجربة علمتك وخلتك أقوى وأكثر خبرة .. ويالتالي مش فشل ..!
أيوه .. هي الحقيقة .. لو عايز تشوف نفسك فاشل حتشوف نفسك فاشل فعلا.. إنما لو عايز تستفيد من كل المواقف اللي حسيت إنك فشلت فيها.. تلاقي جانب مضيء لم تكن منتبه منه وعلى طول انظر لنص الكوباية المليان مش الفاضى .. وسوف تستفيد من تجارب حياتك بدل ما تخليها تضرك..
الخلاصـــــــــــــــــــــة مافيش حاجة اسمها فشل ..
فيه حاجة اسمها تجارب اتعلمنا منها، وحتخلينا نمشي في الطريق الصح .. ومانغلطش نفس الأخطاء بتاعتنا..
ماتخليش أي حاجة تخليك تقف عن المحاولة .. التجارب غير الناجحة مجرد خبرات اتعلمنا منها كيف نكون أفضل .. خليها حافز للاستمرار مش مبرر للتوقف عن المحاولة... ممكن تكون قربت جدا وفاضل لك خطوة .. لكن الإحباط خلاك تقف قبل هدفك بسنتيمترات !
حاولت تحقق هدفك وجربت أكتر من مرة لحد ما يئست ؟
دورت على وظيفة ومالاقتش، فوقفت عن المحاولة ؟
كان لك حلم وبطلت تسعى ليه، لأن حد أقنعك إن مافيش فايدة ؟
كتير من التعليقات اللي حتقول إن مافيش فايدة ومافيش أمل والكلام اللي اتبرمجنا عليه ..
ماتسمعش الكلام وخليك ماشي في طريق نجاحك..
في كلمة متواضعة منى بحب أقولها على طول
كــــن إيجــــابـي ... تعــش إيجــابـي

[نور الهدى]

كــــن إيجــــابـي ... تعــش إيجــابـي
وكن ممن يريدون النجاح والوصول الى الاهداف فستكون كذلك
فأنت وحدك من يقرر الفشل او النجاح

[ابن البلد]

فعلا اخي ابو فراس كن ايجابيا تعش ايجابيا
بصراحة اخي لقد قرأت الموضوع كاملا فاحسست باني من كتبه لدرجة انني اجد صعوبة بالغة في الاضافة فقد قدمت موضوعا متكاملا
اشكرك عليه

[م .نبيل زبن]

(الفاشلون هم أناس لم يعرفوا كم كانوا قريبين من النجاح حين توقفوا!!)

مشكور ابو فراس للايجابية التى اطلقتها حولنا وفي منتدانا
هكذا نريد ان نكون باذن الله تعالى

[أمان]

موضوع رائع بارك الله فيك ابو فراس
حينما ينغلق أمامك باب الأمل.. لا تتوقف لتبكي أمامه طويلا..
لأنه في هذه اللحظة انفتح خلفك ألف باب ينتظرون أن تلتفت لهم

[اسماعيل السلاق]

اشكر لكم اخوتي الافاضل مروركم الكريم

لا يأس مع الحياة ومهما بلغ الظلام في النفق

فلا بد ان يكون هنالك نهاية له>ا النفق ولا بد

من بصيص نور في نهاية النفق ولكن لا تتوقف

في منتصف النفق بحجة عدم رؤية النور في نهاية النفق