جيتك غلا
جيتك غلا يبكي وفا وانت تدري
شوف المهم اني وصلتك وجيتك
ماغبت عن بالي وفي جوف صدري
وش حيلتي لا صار هالقلب بيتك
ياما كضمت الغيض والكون قبري
تبعد وعيني صورتك ماسليتك
عشت الجفا متلحف اكفان قهري
ليتك خذيت الروح من رحت ليتك
لك شوق فيني مثلما السيل يجري
وآضم طيفك يابعدهم فديتك
ذقت الجنون بغيبتك وانت عذري
اشربك واضمى ضامي ن مارتويتك
يجمل قصايد قالها صوت شعري
ياحرف قبل اكتبك فيني قريتك
انت الوفا يامهجتي وانت غدري
وانت المسافه اللي تطول وسريتك
جيتك ملامح صوت ماعاد بدري
ومن كل مبهج في زماني عطيتك
جيتك وفاض الشوق مافاد صبري
دقيت بابك للأسف .. ما لقيتك