انا اليوم جبتلكم قصيدة مؤثرة جدا مفادها ان لاتسيء الظن بالأخرين
قصة القصيدة ان ولد قاعد في مكان وبنت كانت قاعدة قدامه.....
اترككم مع القصيدة وبتفهموا السالفة.
القصيدة تقول:
كل شبر بهالوسيعة ملك ربي تعلمين
واعرف ان اللي خلقني خلقلك هالعيون
لكن انتي من جلستي وانتي فيني تحدقين
كن مابه ناس غيري بهالكراسي يجلسون
لو سمحتي عاد اسمعي وحتى لو ماتسمحين
المهم اللي بقوله تسمعينه ويسمعـــــــــــون
عالأقل ليا ناظرتلك سو روحك تستحين
غضي طرفك مثل غيرك خوف ربعي يلمحون
الركادة زينة والحيا فالبنت زيــــــــــن
وفيك جازم لا ركادة ولاحياءٍ يذكرون
تعرفيني!؟اعرفك!؟ماظن إنـا ملتقين
لا اعرف من تكوني ولا تعرفي من اكون
وإطمأني إن كان قصدك بس فينـي تشبهيـن
ما هـو أنـا إلي تعرفيـه والبشـر يتشابهـون
مـا دريتـي من التشابـه يخلـق الله أربعيـن
وأعرف أربع يشبهنك بـس والله يستحـون
وإن كان قصدك شي ثاني عاد قولي وش تبين
خايف إنا نصير فرجة وإللي ماشتروا يتفرجـون
وإذا ببالك عاجبتنـي لا يحوشـك تحلميـن
صح ربعي من جمالك فيـك صـار يمدحـون
بس وش لي في حلاتك دام فيهـا ترخصيـن
حشمة البنـت وحياهـا والكرامـة يلفتـون
ولو توفر فيك هـذا مـع حلاتـك تبشريـن
ما هو أنا ألف غيري بـاب بيتـك يطرقـون
وش علامك رغم كل اللي أقولـه وتسكتيـن
مو طبيعي هالسكوت وهالبـرود وهالسكـون
إنتـي خرسـا أسألـك ولا منتي تسمعيـن؟؟
قالوا ربعي ذي كفيفـة قلـت لا لا تمزحـون
لين شفتك يوم رحتـي يمسكونـك باليديـن
ما دريت إلا عيونـي أربـع أربـع يذرفـون
آه ياني منه مشهـد يـوم شفتـك ترحليـن
جيت اشوف عيون ربعي لقيت الكـل يدمعـون
وتدري عاد يالكفيفة حنا تراى متشابهيـن
وإن ماانعمت أبصارنا قلوبنا هـم إللي يعتمـون
يالكفيفة يالعفيفـة إن قلـت آسـف تقبليـن؟؟
يغفر الله ذنوب عبده ليا خطا وهـل تغفـرون؟؟؟؟
قصيده لقصه جميله ومحزززنه اعجبتني وحبيت انكم تقرونهاا.......
اتمنى انها تكون نالت على اعجابكم....
يقول المولى عز وجل
(( انها لا تعمى الأبصار*ولكن تعمى القلوب اللتي بالصدور))
فاياكم حبايبي وظن السوء..
الله يحمينا واياكم ..
تقبلو خالص حبي وتقديري
04-26-2011, 04:24 PM
سوء الظن
العرض العادي
