بعض حزازير اهل البلاد

[مازن الجبالي]

اخترت لكم اليوم بعض الألغاز الشعبية الفلسطينية *

إن شاء الله تعجبكم وتستفادوا منها

1.قنبز قنبز عالحجر أكله وشربه من الشجر (السراج)

2.مطرق عفص عفص وبرف رفص بصل مصر قبل العصر (البرق)

3. ثلاث قيقان على ظهر الحيطان (المزاريب)

4.قد الكبة وعليه ميت حبة (راس البصل)

5.بنت الملك في الجورة ولابسة اثنا عشر تنورة (النخلة)

6. اجونا ضيوف من بيت عروف ذبحنالهم خروف ما فيه ولا عظام (الذبابة)

7. اشي قد الكف وبلف الدنيا لف (المكتوب)

8. قط محشي ما بقدر يمشي (المخدة)

9. قرية بلا كلاب وتربة بلا كلاب (المقبرة)

10.جسمه أسمر وطنبوزة أخضر (الباذنجان)

11.أخضر جسمه خيار اسمه الله لا يدلك على اسمه (خيار)

12.مدينة خضراء قصورها حمراء عبيدها سود (البطيخ)



تحياتي للجميع

[*ريحانة*]

يرحم أيامك ستي ............ والدنيا عمّا تشتّي
وانتِ تحكي حْكاياتك ..........وحْنا عم نوكلْ بَحْتِة
ما احْلاها شتْوِةْ كانون .........وإيدينا فوق الكانون
والدنيا عمّا تشتّي .............. والرعد برّا مجنون
حْبال الشتا مْدلاّية ..............تِتْجمّع بالقنايِة
وحبّات المطرْ تنزل ...........على الرايح والجايِة



ومن الحزازير اللي بنسمعها للان من اجدادنا


طاسِة ترن طاسِة، بالبحر غطّاسِة، من جوّة لولو، ومن برّة نحاسِة، شو هي؟؟

أسود مثل الليل ومنّو ليل، بيوكل شعير ومنّو حمار، بيحفر مغارة ومنّو فارة، شو هو؟



والالغاز اللي بحكوها وبفكروا الي قدامهم غبي وعلى اساس انها صعبة كثير
سود عينيها، عوج قرنيها، العنزة الله لا يهديك عليها.. شو هي؟؟
إشي مدوّر عَ البيكار، عدس يا تيس افهم يا حمار.. شو هو؟؟





وياريت الي بعرف حزازير قديمة يضيفها في هالموضوع


اخي مازن بارك الله فيك

[ابو ايهم السراحنة]

[م .نبيل زبن]

	مشكور اخي مازن والشكر موصول للاخت ريحانة ونتمى مواصلة دائمة لهذه المواضيع

[مازن الجبالي]

يرحم أيامك ستي ............ والدنيا عمّا تشتّي
وانتِ تحكي حْكاياتك ..........وحْنا عم نوكلْ بَحْتِة
ما احْلاها شتْوِةْ كانون .........وإيدينا فوق الكانون
والدنيا عمّا تشتّي .............. والرعد برّا مجنون
حْبال الشتا مْدلاّية ..............تِتْجمّع بالقنايِة
وحبّات المطرْ تنزل ...........على الرايح والجايِة

مشكوره اخت ريحانه
وساق الله على ايام زمان
تحياتي

[مازن الجبالي]

الله يعافيك ويعفي عنك
اخي ابو ايهم السراحنة
شكرا لمرورك
تحياتي

[مازن الجبالي]

العفو اخي م نبيل زبن
هذا واجبنا شكرا لمرورك
تحياتي

[م .نبيل زبن]

1-عريان ويكسى الأوطان ؟
2_شئ يمشى ولا يتعب وياكل ولا يشرب ؟
3_شئ اسمه على جسمه؟
4_ما الشئ الذى تراه فى الدقيقه مرتين وتراه مره فى القرن ؟
5_ حامل ومحمول * ناشف ومبلول ؟
6_طالع نازل ولا يشبع ولو كان آكل ؟

[جوري]

الحزازير فن وثقافةة اهل البلاد ...ارث ثقافي نعتز به

مشكور مازن الجبالي

[جوري]

اقتباس : المشاركة الأصلية كتبت بواسطة م .نبيل زبن [ مشاهدة المشاركة ]

1-عريان ويكسى الأوطان ؟ الثلج او العشب 2_شئ يمشى ولا يتعب وياكل ولا يشرب ؟ السيارة يمكن 3_شئ اسمه على جسمه؟ الكتاب ...الاسم 4_ما الشئ الذى تراه فى الدقيقه مرتين وتراه مره فى القرن ؟ حرف القاف 5_ حامل ومحمول * ناشف ومبلول ؟ الباخرة 6_طالع نازل ولا يشبع ولو كان آكل ؟

ما عرفتها!!!