بسم الله الرحمن الرحيم
الزيـن ياسعـود مشغـول ٍ تلفونـه=والظاهر انه بعـد ياسعـود عطلانـي
ادق عشـريـن مــره مايشيلـونـه=ياسعود ماكن وسـط البيـت سكانـي
رحت أتأكد منه واشـوف مضمونـه=والعصر مريت بيت الزيـن وحدانـي
مريـت بيتـه مثـل نـاس ٍ يمرونـه=وأونس بوسط الحشا تشتـب ضيانـي
دقيت في شارعـه رمـز ٍ يعرفونـه=وصدفه طلع لي وهو ضايق وزعلاني
قلت انت وش فيك وجهك مختلف لونه=بالله وش مزعجـك ياعـز خـلانـي
قال أنزعج كـن بيتـي مـا تدلونـه=سير على البيت لو تنشد عن اخوانـي
مـاهـوب لازم تلفـونـي تدقـونـه=مفروض تأتي مدام الخـط عطلانـي
وقال أفتح البـاب والعالـم يشوفونـه=ونسا المذله بعـد روحـي وخلانـي
علمتها ياسعود فـي هـرج ٍ يقولونـه=علمتها ياسعـود فـي كـل ماجانـي
قال الحسـد طبـع نـاس ٍ مايخلونـه=وشلون صدقت عدوانـك وعدوانـي
وسولفت والكابرس يمشي على هونه=مع التقاطـع ورا اشـارات خيطانـي
الشاعر: نواف منور العازمي.