مشاط عجوري

[السوسنه]

طريقة عمل المشاط العجوري

طريقة عمل المشاط العجوري تختلف عن كل الطرق الفلسطينية والاردنية لحد الان ما شفت ولا اكلت اكلة مشاط تشبه المشاط العجوري، وكل ما بعمل بوزع ع الجيران وكتير بنبسطوا فيه
المواد:
2ك طحين عادي
ملعقة خميره
ملح
ماء
راس زهره ( قرنبيط) مسلوق حتى الاستواء
راس بصل مبروش
بهارات مشكله
رشة عصفر
زيت زيتون للقلي
الطريقة
بعد تخمير العجينة نضع الزهرة والبصل والبهارات ورشة العصفر ( اذا بتحبي تحطي بيضتين هادا اختياري بس انا لما بعملها ما بحط بيض)
ثم نقلب المواد السابقة مع العجين الخامر حتى يتجانس
نحضر زيت الزيتون في مقلاة عميقة ونضعه على النار
بعد ان تحمي الزيت تاخذي جزء من العجينه وتفرديه على راحة اليد ثم تضعيه في الزيت وتعيدي هذه الخطوة حسب سعة المقلى عندك وتقلبي حتى يحم ثم تنشلي القطع من الزيت وتضعيها جانبا ثم تكرري العملية هذه حتى نفاذ كمية العجينه
وصحتين وعافيه ع ئلبكم

[أمان]

شكرا الك اختي السوسنة على هذه الأكلة العجورية اللذيذة

التي جعلتيني أشتهي اكلها الأن ...

وبما انه عندي زهرة وكافة المقادير سأطبخها اليوم

[عجورى من الساس للراس]

تحية لكن اخواتي و كم اتمنى وجود صور للطبخة العجورية الجميلة

[نور الهدى]

تسلمي الايادي السوسنة
نفس الطريقة يلي بنعملها
آكلية زاكية ..وهذا وقتها

[Palboy]

تسلمي يا سوسنة
المشاط وقتها في البرد و الثلوج الان

[نسيم الوادي]

[زهرة الوطن]

يا سلاااااااااااااام عليكي يا غاليه
وصفه شهية
تسلم الايادي

[*ريحانة*]

طبق مميز *طريقه سهله تسلم إيدك
لا تحرمينا من جديدك

[بتول القدس]

يمييييييي بيجنن وديلي صحن خاصه بالبرد تسلم الايادي

[يمامة فلسطين]

عن جد هالاكلة زاكية وشكلي راح أقوم أعملها

تسلمي يا سوسنة على هالاكله اللذيذة