عالخيمة كتبنا الوعد راح نستنى رجعتنا ..وخبينا قوشان الأرض بين سنين غربتنا
وخلينا مفتاح الدار.. بالصدر وبين الأسرار.. والله وإن طال المشوار إلنا حق بعودتنا
فارقنا بلدنا صغار وكبرنا وشيبنا ..ما نسينا طريق الدار ولا بين الخلق ذبنا
بدمع الشوق والتذكار راسلنا حبايبنا.. وأسامينا بتظل هناك محفورة بزيتونتنا
وبليل المخيم كان عشق بلاد أغانينا.. وغزلنا للوطن ألحان تصبرنا وتواسينا
وظله هالأمل سهران لو نغفى يصحينا ..وحلم العودة فينا ظل صورة حلوة قريتنا
ومهما نغيب راح نرسى عالشط الفلسطيني.. وحق العودة ما ننسى ولا هالبيت ناسيني
وبالصرخة وبالهمسة اندهله و يناديني.. ويبقى هالوطن مشتاق ناطر يوم عودتنا